Qırmızı.az

Azərbaycanın partiya sədri Züqanovun 70 illik yubileyinə gedir - FOTOLAR

2 İyul 2014 19:33

İyunun 11-də Azərbaycan Kommunist Partiyasının (AKP) sədri Rauf Qurbanov Rusiyaya səfərə gedəcək. Bu barədə Publika.az-a R.Qurbanov özü məlumat verib.

İyunun 12-də Moskvada Kommunist Partiyaları İttifaqının İcraiyyə Komitəsinin iclasının keçiriləcəyini vurğulayan R.Qurbanov deyib ki, həmin iclasda özü də iştirak edəcək.

Onun sözlərinə görə, iclasın gündəliyinə əsasən 3 məsələ daxil edilib:

“Bunlar Rusiya Kommunist Partiyasının sədri Gennadi Züqanovun ötən dövr ərzində olan hesabatı, növbəti qurultayın vaxtının və Kommunist Partiyaları İttifaqının Nizamnaməsində dəyişiklərin edilməsi ilə bağlıdır. Cari məsələlər isə Ukraynada baş verən hadisələrə yönələcək. Mənim çıxışım da məhz bununla bağlı olacaq”.

Partiya sədri həmçinin deyib ki, ayın 12-də Moskvada həm də Rusiya Kommunist Partiyasının sədri Gennadi Züqanovun 70 illik yubileyi qeyd olunacaq: “Hər iki tədbirə mən də qatılacam”.

Vasif Həsənli