Qırmızı.az
HESABAT: `Azərbaycan korrupsiya ilə mübarizədə siyasi iradə göstərir`
Beynəlxalq `Transparency İnternational` təşkilatı “Avrasiyada korrupsiya riskləri” adlı növbəti hesabatını açıqlayıb. Hesabatda Azərbaycanda Korrupsiyanın səviyyəsi azaldığı bildirilir və buna səbəb kimi hökumətin həyata keçirdiyi bir sıra əhəmiyyətli islahatlar, yerli və beynəlxalq proqramların icrası göstərilir.
Sənəddə deyilir ki, korrupsiyaya qarşı mübarizə zamanı qarşıya
çıxan problemlərin mürəkkəbliyini nəzərə alaraq, Azərbaycanın bu
sahədə göstərdiyi səylərdə nə qədər irəli gedəcəyi əvvəlcədən
müəyyən etmək çətindir. Amma fakt budur ki, korrupsiyaya qarşı
mübarizədə Azərbaycan hökumətinin ortaya qoyduğu siyasi iradə
nəticəsində ölkədə korrupsiyanın səviyyəsi getdikcə azalır və
əhalinin korrupsiyaya qarşı müqaviməti artır. Azərbaycan bununla
bağlı üzərinə götürdüyü beynəlxalq öhdəliklərə əməl etməklə qlobal
iqtisadi oyunçu olmaq istəyini ortaya qoyur.
Hesabatda qeyd olunur ki, Azərbaycanda son illərdə korrupsiyaya
qarşı mübarizədə bəzi vacib və perspektivli islahatlar aparılıb.
Sənəddə ASAN Xidmətin yaradılması xüsusi vurğulanır: “Azərbaycan
hökuməti korrupsiyanın qarşısının ciddi formada alınması üçün
elektron xidmətlərin tətbiqini və `bir pəncərə` xidmət mərkəzlərini
yaradıb. Həmçinin özəl sektor mühitini yaxşılaşdırmaq üçün biznes
qeydiyyatları prosesi də asanlaşdırılıb”.
Tİ hesabatında bir sıra tövsiyələr də irəli sürüb. Bunlardan biri
yeni qanun layihələrinin müzakirəsi zamanı parlament komitəsinin
iclaslarında vətəndaş cəmiyyəti nümayəndələrinin iştirakının təmin
edilməsilə bağlıdır. Digər tövsiyələr isə korrupsiyaya
cinayətlərilə bağlı məlumat verən şəxslərin hüquqi müdafiəsini,
maraqların toqquşmasının qarşısının alınmasını və özəl sektorda
qanunvericiliyin təkmilləşdirilməsini əhatə edir.
Bundan başqa, vətəndaş cəmiyyətinin korrupsiya ilə mübarizə
prosesində fəal rol oynaması üçün milli və yerli səviyyədə ictimai
monitorinq şuralarının yaradılması da tövsiyə olunur.
Sənəddə bəzi çatışmazlıqlar da qeyd olunub. Bildirilir ki,
Azərbaycanın korrupsiyaya qarşı mübarizə sahəsində hüquqi bazasının
təkmil olmasına baxmayaraq, özəl sektorda korrupsiyanın qarşısının
alınması ilə bağlı qanunvericilik aktları yoxdur. Bəzi vacib
qanunlar - korrupsiyaya hüquqpozmaları ilə bağlı məlumat verən
şəxslərin hüquqi müdafiəsi, maraqların toqquşması və korporativ
idarəçilik haqqında qanunlar hələ də qəbul edilməyib.
-
Kriminal18:12
Tulin Ələkbərovanın sevgilisi tərəfindən döyülməsi faktı araşdırıldı: nəticə... - VİDEO
-
Kriminal17:32
Faciəvi şəkildə ölən tələbənin ailəsi məhkəməyə getməkdən imtina etdi - FOTO
-
Nida Təhlil 17:11
İrəvan “Krokus”la bağlı bəyanatı rədd etdi: Kreml necə cəzalandıracaq?
-
Sosial16:58
Bu avtomobillərlə taksi fəaliyyəti göstərmək qadağan edildi
-
Sosial16:36
Azərbaycanda sayğaclar ikiqat hesablayır - ŞOK İDDİA
-
Sosial16:08
Əli Əsədov yeni qərar imzaladı
-
Rəsmi xronika14:51
İlham Əliyev bu qanunu təsdiqlədi
-
Nida Xəbər 14:26
Yeni Kaledoniyada Azərbaycan bayrağı qaldırıldı