Prezident Administrasiyası rəsmisi icra başçısının keçirdiyi qəbulu izlədi - FOTOLAR
Bizi izləyin

Qırmızı.az

Prezident Administrasiyası rəsmisi icra başçısının keçirdiyi qəbulu izlədi - FOTOLAR

Füzuli Rayon İcra Hakimiyyətinin başçısı Alı Alıyev əhalinin problemlərinin yerində öyrənilməsi, həll edilməsi məqsədi ilə bu gün Arayatılı kəndində növbəti səyyar qəbul-görüş keçirib.

Publika.az-ın məlumatına görə, görüşdə rayonun idarə müəssisə, hüquq mühafizə orqanlarının rəhbərləri və ictimaiyyət nümayəndələri iştirak edib.

Səyyar qəbulda çıxış edən Füzuli Rayon İcra Hakimiyyətinin başçısı Alı Alıyev bu cür görüşlərin ölkə başçısı İlham Əliyevin tapşırığı ilə mütamadi keçirildiyini bildirib.

Qeyd edib ki, hər bir vəzifəli şəxs dövlət başçısından bu məsələdə nümunə götürməli, vətəndaşların bütün müraciətlərinə diqqətlə yanaşmalı, onların problemlərinin həlli üçün bütün səy və bacarıqlarını səfərbər etməlidir.

Alı Alıyev ölkə başçısı İlham Əliyevin vətəndaş müraciətlərinə həssas münasibət göstərmək barədə tapşırıqlarının rayonda birmənalı olaraq diqqət mərkəzində saxlanıldığını vurğulayıb.

Bildirib ki, vətəndaşların problemlərinin həlli, ilk növbədə, onların qayğılarını vaxtında öyrənməkdən, hər bir insanın irəli sürdüyü məsələni, etdiyi xahiş və təklifi diqqətlə araşdırmaqdan asılıdır.

Sonra kənd sakinlərinin müraciətləri dinlənilib. Kənd sakinləri tərəfindən qaldırılan ev bərpası, iş, artezian vurulması və digər məsələlər İcra başçısının göstərişi ilə yerindəcə həll edilib, başqaları isə həll edilməsi üçün nəzarətə götürülüb.

Səyyar qəbul zamanı çıxış edən kənd sakinləri rayonda aparılan abadlıq quruculuq işlərindən, eyni zamanda məcburi köçkünlərin həyat şəraitinin yaxşılaşması ilə əlaqədar dövlət başçısının həyata keçirdiyi məqsədyönlü siyasətdən öz razılıqlarını bildiriblər.

Səyyar qəbul-görüşü yekunlaşdıran Alı Alıyev rayonun sosial-iqtisadi inkişafının daha da sürətləndirilməsi istiqamətində həyata keçirilən tədbirlərdən danışıb, gələcəkdə görülməsi nəzərdə tutulmuş işlər barədə məlumat verib.

Qeyd edək ki, səyyar qəbul-görüşdə Prezident Administrasiyasının məsul işçisi Pənah Cahangirov da iştirak edib.

Vasif Həsənli

Oxumağa davam et
Reklam
Reklam

Gündəm