Qırmızı.az

Səfir prezidentlərin Soçi görüşündən DANIŞDI

7 Avqust 2014 14:12

Azərbaycanın Fransadakı səfiri Elçin Əmirbəyov bu həftə Soçidə Azərbaycan və Ermənistan prezidentlərinin görüşü ilə bağlı məsələyə münasibət bildirib.

Səfir E.Əmirbəyov Publika.az-a açıqlamasında deyib ki, prezidentlərin görüşü ilə bağlı məsələdə səfirlik iştirak etmir:

“Ona görə də mən səfir kimi bu prosesdə içtirak etmirəm və məlumatlı deyiləm. Adətən, bu məsələ ilə birbaşa həmsədrlərin özləri işləyir. Bu görüşlə bağlı da Fransa tərəfindən ATƏT-in Minsk qrupunun bu ölkədən olan həmsədri məşğul olur. Ona görə də mənim bu görüşün detalları ilə bağlı məsələdən məlumatım yoxdur”.

Xatırladaq ki, Ermənistanın baş naziri Ovik Abramyan avqustun 8-də və ya 9-da Rusiyanın Soçi şəhərində Ermənistan prezidenti Serj Sərkisyan və Azərbaycan prezidenti İlham Əliyev arasında Dağlıq Qarabağ münaqişəsinin həlli ilə bağlı danışıqların aparılması üçün görüşün keçiriləcəyini bəyan edib.

Vasif Həsənli