Ordubada yarım metrədək qar yağdı - FAKTİKİ HAVA

Fevralın 05-i saat 11:00-a olan məlumata əsasən, fevralın 5-i gecədən ölkə ərazisində hava şəraiti yağıntılı olub, bəzi yerlərdə arabir yağış, dağlıq ərazilərdə qar yağıb, şimal-qərb küləyi güclənib.

Milli Hidrometeorologiya Xidmətindən Publika.az-a bildirilib ki, düşən yağıntının miqdarı Ağdərədə (Ordubad) 7.0 mm, Göygöldə 4.0 mm, Daşkəsəndə 2.0 mm, Quba, Qrız, Sarıbaş (Qax), Gədəbəydə 1.0 mm-dək qar, Sədərək, Şərur, Ordubadda 2.0 mm, Xaçmaz, Şabran, Bərdə, Kürdəmir, Lerik, Astara, Naxçıvan, Xaçmaz, Bakıda və Abşeron yarımadasında 1.0 mm-dək yağış yağıb.

Qar örtüyünün hündürlüyü Ağdərədə (Ordubad) 46 sm, Sarıbaşda (Qax) 18 sm, Ləzədə 12 sm, Qırızda 10 sm, Göygöldə 5 sm, Daşkəsəndə 4 sm olub.

Şimal-qərb küləyi Naftalanda 32 m/s, Tərtərdə 28 m/s, Mingəçevirdə 25 m/s, Ceyrançöl, Şəki, Gəncə, Bərdədə 20 m/s, Ağdamda 18 m/s, Şəmkir, Zərdabda 16 m/s, Bakıda və Abşeron yarımadasında 17-20 m/s-dək güclənib, Neft Daşları stansiyasının məlumatına əsasən dalğanın hündürlüyü 3.0 metrə çatıb.