Cənub bölgəsinə mediatur təşkil edildi

Avropa İttifaqının maliyyə dəstəyi ilə Avrasiya Əməkdaşlıq Fondu və “Konstitusiya” Araşdırmalar Fondu tərəfindən həyata keçirilən “AgriVision” layihəsi çərçivəsində Lənkəran, Masallı, Lerik və Astara rayonları ərazisində yerləşən və layihəyə cəlb olunan aqro-turizm məntəqələrinə mediatur təşkil edib.

Publika.az xəbər verir ki, 22-24 aprel 2022-ci il tarixlərində baş tutan səfərdə 18 müxtəlif media orqanını təmsil edən 21 jurnalist səfərdə iştirak edib.

Səfərin birinci günü Astara rayonunun Sım kəndində yerləşən “Bal Qayası” turizm müəssisəsinə, Astara rayonu, Səncərədi kəndində yerləşən “Yaşıl Göl”ə, Astara rayonu, Kijəbəb kəndində yerləşən “Balıqçı Abi” və günün sonunda Lənkəran rayonunda yerləşən “Citrus Valley” turizm məntəqələrini ziyarət etdilər. Səfərin 2ci günü Lerik rayonu Piran kəndində yerləşən “Bal süfrəsi”, Lerik rayonu Bilnə kəndində yerləşən “Səfalı Göl”, Masallı rayonu Boradigah kəndində yerləşən “Misgərlik” və günün sonunda Masallı rayonunun Ərkivan qəsəbəsində yerləşən “Obal” turizm məntəqələrini ziyarət ediblər.

Hər bir aqro-turizm məkanında keçirilən təqdimatlar jurnalistlər tərəfindən qeydə alınıb və səfərdən döndükdən sonra Azərbaycanın səfalı bölgələrindən olan Cənub bölgəsi üzrə reportajlar hazırlayaraq mənsub olduqları mediada işıqlandırıblar.