Ukraynalı alim Aida Qasımovanın əsərinə istinad etdi

“Ukraynanın şərqşünas alimi Mixaylo Yakuboviç hazırda Avropada “The Global Qur'an” adlanan möhtəşəm bir layihə çərçivəsində tədqiqatlar aparır”.

Publika.az">Publika.az xəbər veri ki, bunu filoloq, Azərbaycan Milli Elmlər Akademiyası Nizami Gəncəvi adına Milli Azərbaycan Ədəbiyyatı Muzeyinin "Ədəbi mərasimlər və nəşrlər" şöbəsinin müdiri, filologiya elmləri doktoru Aida Qasımova deyib.

Onun sözlərinə görə, şərqşünasın Avstraliyada nəşr olunmuş BU MƏQALƏSİ Azərbaycanda XX əsrin əvvəllərində Quran təfsirlərinə həsr olunub: “Zeynəlabdin Tağıyevdən, Stalin repressiyası qurbanı olmuş Mirməhəmməd Kərim ağadan bəhs edən dəyərli məqalə yazıb. Məqalədə mənim 2013-cü ildə Edinburq Universitetində nəşr olunmuş "The Hair on my Head is Shining: Qur’ānic Imagery of the Curl in Classical Azeri-Turkish Ṣūfī Poetry" adlı məqaləmə də istinad edib. Məqalədə Ziya Bünyadov, Vasim Məmmədəliyev, Hamlet İsaxanlı, Məmmədəli Babaşlı və bir sıra digər müəlliflərin əsərlərinə də istinadlar edilib”.