Qırmızı.az

Perm qubernatoru: Bakıda 20 şirkətlə təmsil olunuruq

1 İyun 2022 18:50

Bu gün Bakıda start götürən Beynəlxalq Xəzər Neft və Qaz Sərgisində Rusiyanın Perm diyarından 20-ə yaxın şirkət öz məhsullarını nümayiş etdirir.

Bu barədə Publika.az">Publika.az-a açıqlama verən Permin qubernatoru Dmitri Maxonin deyib ki, həmin şirkətlər xüsusilə robot texnikası sahəsində çalışır:

“Sərgidə həmçinin fərdi müdafiə vasitələri üzrə, IT sektoruna aid yüksək texnoloji məhsullar istehsal edən müəssisələr də iştirak edirlər. Biz ənənəvi olaraq neft-qaz hasilatı sahəsində RF-nin liderləri sayılan müəssisələri təmsil edirik. Başa düşdüyümüz kimi, Azərbaycan üçün bu sahə daha çox aktualdır. Onu da qeyd etmək istərdim ki, sərgidə təmsil olunan müəssisələr Rusiya iqtisadiyyartında ixracı əvəzləyən, rəqabətə davamlıdır və Qərbin analoji istehsalçıları ilə rəqabət aparmağa qadirdilər. Onlar həm keyfiyyət, həm də qiymət baxımından məhsulun ən yaxşısını nümayiş etdirirlər”.