Qırmızı.az

Azərbaycanda GMO məhsullarının siyahısı hazırlanacaq

24 İyun 2022 20:06

Azərbaycanda geni modifikasiya olunmuş məhsulların siyahısı hazırlanacaq.

Publika.az xəbər verir ki, bununla bağlı Prezident İlham Əliyevin “Qida təhlükəsizliyi haqqında” qanunun tətbiqi və “Yeyinti məhsulları haqqında” qanunun tətbiq edilməsi barədə” 2000-ci il 26 yanvar tarixli 267 nömrəli, “Yeyinti məhsulları haqqında” qanunun tətbiq edilməsi ilə bağlı əlavə tədbirlər barədə” 2003-cü il 23 oktyabr tarixli 969 nömrəli fərmanlarının ləğv edilməsi haqqında fərmanında deyilir:

“Nazirlər Kabineti Azərbaycan Respublikası ərazisində yem üçün istifadəsi nəzərdə tutulan genetik modifikasiya olunmuş orqanizmlərin, habelə yalnız genetik modifikasiya olunmuş orqanizmlərdən ibarət olan və ya tərkibində genetik modifikasiya olunmuş orqanizmlər olan və ya tərkibində genetik modifikasiya olunmuş orqanizmlərdən əldə edilmiş məhsul olan yem məhsullarının siyahısını Azərbaycan Respublikasının Prezidenti ilə razılaşdırmaqla təsdiq etsin”.