Azərbaycanlı qadınlar kiçik ailə istəyir

Azərbaycanda 15-49 yaş arası 9381 nəfər qadın arasından keçirilmiş sorğunun nəticələrinə görə, qadınların əksəriyyəti kiçik ailə istəyir.

Qadınların yarıdan çoxu -56.8%-i iki uşağı ideal sayı kimi göstərib, 17.9%-i isə 3 uşağı ideal ailə sayı hesab edir.

Publika.Az-ın verdiyi xəbərə görə, bu barədə Səhiyyə Nazirliyi tərəfindən 2011-ci il “Demoqrafiya və Sağlamlıq”sorğusunun nəticələrinə həsr olunmuş sorğuda qeyd edilib.

Sorğuda iştirak edən qadıların altısından biri (16%) dörd və ya daha çox uşağa üstünlük verib. Bütün qadınlar üçün uşaqların ideal orta sayı 2.5 və hazırda evli qadınlar üçün 2.6-dır. Uşağı olmayan qadınlar üçün bu göstərici 2.2-dən dörd və daha çox uşağı olan qadınlar üçün 3.3-dək artır.

Sorğuya əsasən, 15-49 yaşlı bütün qadınların sosial-demoqrafik xarakteristikaları üzrə uşaqların ideal orta sayını göstərir. Uşaqların ideal orta sayı respondentlərin yaşı ilə artır. 15-49 yaşlı qadınlar 2.2, 45-49 yaşlı qadınlar isə 2.8 uşaq istəyir.

Azərbaycanda evli qadınların əksəriyyəti gələcək hamiləliklərini nəzarətdə saxlamaq istədiklərini qeyd edib. Ümumilikdə evli qadınların 68.1% ya digər uşağının olmasını istəməmiş (67.2%) ya da sterilizə olunub (0.9%).

Evli qadınların 14.9%-i degər uşağının tezliklə olmasını, 6.5%-i digər uşağın iki və ya bir neçə ildən sonra olmasını istəyib, ya da qərarlaşdırmadığını bildirib. Qalan 10.5% isə digər uşağın olmasını qərarlaşdırmayıb.

Azərbaycanda hazırda evli qadınların böyük əksəriyyətinin ya ailə tərkibinin m\əhdudlaşdırılması, ya da doğuşlar arasında istədiklərin intervalın kontrasepsiyaya ehtiyacının olması ehtimal edilir.

Gülxar