Günelin qətlinin şok təfərrüatları

Bakının Xətai rayonunda tələbə qızın qətlə yetirilməsinin yeni təfərrüatları üzə çıxıb.

Teleqraf.com xəbər verir ki, 20 yaşlı Günel Nuriyeva yaşadığı Xudu Məmmədov küçəsi, 18 ünvanında özündən iki yaş kiçik olan bacısı Pərvanə Nuriyeva tərəfindən qətlə yetirilib.

Məlumata görə, Nuriyevaların anası oktyabrın 21-də Şəkidən Bakıya gəlib. Ana qızlarının kirayə yaşadığı evdə olan zaman mübahisə yaranıb. Onların arasında mübahisənin pul üstündə yarandığı bildirilir.

Pərvanə Nuriyeva kiçik bacısından anasına şikayət edib. O, anasına deyib ki, bacısı bədxərclik edir və çox pul xərcləyir. Şikayətdən sonra qadın Pərvanə Nuriyevanı tənbeh edib. Pərvanə də bacısının hərəkətlərindən əsəbləşib.

Oktyabrın 22-də Pərvanə anasını yola salmaq üçün Bakı Avtovağzalına aparıb. Anasını Şəkiyə yola salan Pərvanə bacısından qisas almaq qərarına gəlib. Evə daxil olan Pərvanə Günellə mübahisə edib. Mübahisə zamanı Pərvanə Nuriyeva bacısına 22 bıçaq zərbəsi vurub və daha sonra başını kəsib.

Qeyd edək ki, oktyabrın 22-də Xudu Məmmədov küçəsi-18 ünvanında yaşayan 20 yaşlı Günel Etibar qızı Nuriyevanın başı kəsilmiş meyiti tapılıb. G. Nuriyeva Bakıda fəaliyyət göstərən musiqi məktəblərindən birinin ikinci kursunda oxuyurmuş.