Qırmızı.az
İlyas Abdullayevin 100 illiyinə həsr olunmuş yübiley tədbiri keçirilib
Azərbaycan Milli Elmlər Akademiyası (AMEA) Genetik Ehtiyatlar İnstitutunda (GEİ) görkəmli alim və ictimai xadim, AMEA-nın həqiqi üzvü İlyas Abdullayevin 100 illiyinə həsr olunmuş yübiley tədbiri - xatirə günü keçirilib.
Publika.az xəbər verir ki, xatirə günü AMEA Rəyasət Heyətinin qərarına əsasən təşkil edilib.
Tədbirdə alimin zəngin həyat fəaliyyətindən bəhs edilib. Bildirilib ki, İ.Abdullayev 1913-cü ildə dünyaya göz açıb. 1930-cu ildə Zaqatala kənd təsərrüfatı texnikumunu, 1934-cü ildə isə Azərbaycan Kənd Təsərrüfatı İnstitutunu bitirərək elmi fəaliyyətinə qədəm qoyub.
Tanınmış alim 1955-ci ildən Azərbaycan SSR Elmlər Akademiyasının həqiqi üzvü olub. O, gənc yaşlarından elm sahəsində bir sıra mühüm vəzifələrdə çalışıb, institutlarda elmi işçi, şöbə müdiri, Azərbaycan Elmi-Tədqiqat İpəkçilik Stansiyasının direktoru olub. Akademik Abdullayev Azərbaycan Kommunist Partiyası Mərkəzi Komitəsinin kənd təsərrüfatı şöbəsinin müdir müavini və müdiri (1942-1948), Azərbaycan SSR Nazirlər Soveti Sədrinin müavini (1948-1950), Azərbaycan SSR kənd təsərrüfatı naziri (1950-1954), Azərbaycan SSR Nazirlər Soveti sədrinin birinci müavini (1954-1958), habelə Azərbaycan SSR Ali Soveti Rəyasət Heyətinin sədri (1958-1959) vəzifələrində çalışıb. Alim elmi nailiyyətlərinə həsr edilmiş 300-ə qədər elmi əsərin müəllifidir. Tanınmış alim 1956-cı ildən ömrünün sonuna kimi Genetika və Seleksiya İnstitutunda (indiki GEİ) şöbə müdiri vəzifəsində çalışıb.
İ.Abdullayevin əməyi bir sıra dövlət mükafatları - “Qırmızı Əmək Bayrağı”, “Şərəf Nişanı”, SSRİ medalları və SSRİ XTNS-nin qızıl medalları ilə qiymətləndirilib.
-
Nəqliyyat19:48
Azərbaycanda bu taksi şirkəti BAĞLANIR - FOTO
-
Sosial19:12
Azərbaycanda tikintidə GÖRÜNMƏMİŞ HADİSƏ - VİDEO
-
Sosial18:40
Xankəndidə dünyaya gələn ilk körpənin ailəsinə MÜJDƏ
-
Sosial17:54
Əli Əsədov qərar imzaladı
-
Qarabağ 17:13
Xankəndidə ilk körpə dünyaya gəldi - FOTO
-
Qarabağ 16:38
Bu ölkələr Ermənistanı bizə qarşı silahlandırır, gözləyə bilmərik
-
Rəsmi xronika16:13
Biz dörd kənd məsələsini heç vaxt yaddan çıxarmamışıq
-
Nida Xəbər 16:08
SON DƏQİQƏ: Qazaxın azad edilən kəndində bayrağımız qaldırıldı - VİDEO