Qırmızı.az
Şəhriyar Məmmədyarov: “Özümü aldadıram ...“
İstedad, taktika, peşəkarlıq, 18 illik bir təcrübə, yerində və zamanında olan risk və uğur – bütün bu sadalananlar müsahibimizin yaşam tərzinin bir hissəsidir. Rekordları qıran, iki dəfə dünya çempionu olan, məğlub etmədiyi rəqibi olmayan Şəhriyar Məmmədyarovu belə tanımırdınız.
Məşhur qrossmeysterin özü haqqında ən maraqlı
açıqlamalarını təqdim edirik:
- İsti yay günlərində necə dincəlirsən?
- Qış aylarındakı gərgin qrafikdən sonra, yayda olan bu sakitliyə
adaptasiya olmaq üçün bir az zaman lazım olur. Amma istirahəti,
xüsusilə də aktiv istirahəti sevirəm. Dincəlməyi bacarıram. Ailəm,
dostlarımla təbiət qoynunda dincəlmək xüsusi zövq verir. Sözün
düzü, istiləri bir o qədər də sevmirəm. Qışın şaxtası da mənə görə
deyil. Ən sevdiyim fəsil yaz, payızdır.
- Bu qədər peşəkar bir oyun göstərmək yəqin ki, çoxillik bir
əziyyətin bəhrəsidir ...
- Əziyyətsiz heç bir mükafatı qazanmaq olmaz. Təvazökarlıqdan uzaq
olsa da deməliyəm ki, inanmıram mənim kimi ikinci bir insan şahmata
bu qədər vaxt ayırsın. Bu gün hər hansı bir uğurum keçmişdə şahmata
verdiyim önəmin, etdiyim qurbanların nəticəsidir. Amma peşman
deyiləm. Sıradan biri olmamaq üçün mütləq əziyyət çəkməlisən.
Şahmat mənim üçün hər şeydi, amma özümü onun qurbanı saymıram.
Sevdiyim bir işlə məşğulam. Özümü şahmatsız təsəvvür etmirəm.
- Bu qədər həvəs haradandır?
- Atam, əmim şahmat oynamağı bacarırlar. Balaca vaxtı mənə şahmatı
əmim öyrətmişdi, rayona gedəndə. Müəyyən zamandan sonra ciddi
şəkildə məşğul olmağa başladım.
- Bacıların da şahmatla məşğuldur. 3 şahmatçı bir evdə... çətin
deyil ki?
- ... (gülür) Arada elə olur ki, bir-birimizə rəqib də oluruq.
Qələbə üçün qarşı-qarşıya gəlirik. Deməzdim ki, çətindir. Əksinə,
ətrafında səni başa düşən insanlar olanda daha da ilhamlanırsan.
2010-cu ildə keçirilən şahmat oyunlarında bacım qadınların, mən isə
kişilərin kapitanı olmuşdum. Bir evdə iki kapitan... təbii ki,
bunun ayrı marağı var. Amma onu qeyd etməliyəm ki, qadın şahmatı
kişi şahmatından çox zəifidir.
- Bu, nə ilə bağlıdır?
- Yəqin təbiətin əzəldən qoyduğu bir qaydadır. Kişilər həmişə
öndədirlər. Qadınlar kişilər kimi çalışmır. Qadınlarsız bir günümüz
olmasın. Amma reallıq oldur ki, kişilər həmişə öndə gedirlər.
- Deyirlər ki, dünyadakı insanlar iki hissəyə bölünür:
şahmatçılar və qeyri-şahmatçılar. Bir şahmatçı kimi bu fərqi necə
izah edə bilərsən?
- Bu yaxınlarda belə bir statistika oxudum, dünyada 200 milyona
yaxın şahmatçı var. Bilirsiniz ki, bizim sahədə yaş həddi yoxdur.
Bu sahədə birinci olmaq çətindir. Şahmat oynamaq və professianal
oyun nümayiş etdirmək fərqli anlayışlardır. Bu gün oyunun
incəliklərini bilməyənlər çoxdur. O ki qaldı fərqə, onu deyə
bilərəm ki, şahmatçılar daha taktikalı olurlar.
- Bu taktika yaş tərzinə təsir göstərməyə bilməz...
- Əlbəttə, şahmatçı olmağım mənə çox kömək olur. Qurduğum həyat elə
bu məntiqin, strategiyanın üzərindədir. Yaşadığım həyat obrazı,
hissiyatlılıq, gələcəyi görmə - bütün bunlara görə şahmata
borcluyam.
- Yəqin ki, şahmat lövhəsində özünü bənzətdiyin bir fiqur
var?
- Bir dəfə bacımdan bu sualı soruşanda demişdi ki, at fiquruyam.
Mənə qəribə gəlmişdi ki, necə özünü fiqura bənzətmək olar? Özümü
heç bir fiqura bənzətmirəm və eyni zamanda şahmatı heç bir fiqursuz
təsəvvür etmirəm. Hamısı bir-birinə zəncirvari bağlıdır. Şahmat
müharibə taktikası üzərində yaranıb. Ən çox qorunan daş şahdır, ən
güclü fiqur isə vəzirdir. Vəzir sevdiyim fiqurdur. Mənə həmişə
deyirdilər ki, oyun zamanı lövhədə vəzir olmayanda oyunum
zəifləyir.
- Deyilənə görə, oyunda riski sevirsən. Buna görə də deyirlər
ki, Şəhriyar qəribə oynayır...
- Riski hansısa bir vaxta kimi və zamanında sevirsən. Risksiz
oynayanda oyun heç-heçə bitir. Sən isə xalı bölmək istəmirsən. Ona
görə riskə önəm verirəm. Hər hansı bir daşı qurban verib oyunu
sərtləşdirirsən. Mən həyatda da beləyəm, gözlənilməyən, fərqli
addımlar atmağı sevirəm.
- Şagird hazırlaşdırırsan?
- Hələ yox. Özüm professionalam. Öz sirlərimi kiməsə verməyə
xəsislik edirəm. Bir dənə gediş tapmaq üçün iki il işləyirik. Zaman
keçdickə taktikalar da tükənir. Yenə axtarışdayıq. Ona görə indi
yalnız irəli getmək barəsində fikirləşirəm. Amma gələcəkdə əlbəttə
ki, belə bir fikrim var.
- Adətən şahmatçılar qapalı olurlar. Bu xüsusiyyət səndə də
varmı?
- Bu, normaldır. İstər-istəməz günü 10-12 saat şahmat lövhəsi
qarşısında keçirən insan gün ərzində yalnız oyun barədə
fikirləşəcək. Məndə fərqlidir. Şahmat həyatımın bir hissəsidir.
Amma mən şahmatla yaşayıb-ölmək istəmirəm. Həyatda başqa
gözəlliklər də var. Onlara da vaxt ayırmaq mütləqdir. Mən istədiyim
vaxt şahmatla məşğul oluram.
- Şahmata bağlılıq şəxsi həyatdakı sevgidə qısqanclıq yaratmır
ki?
- Hər şeyin bir zamanı var. Vaxt getdikcə sevgiyə ehtiyac duyursan.
Bu zaman sevdiyin işlə, şəxsi həyatdakı sevgi arasında tarazlıq
yaratmağa çalışırsan. Bəxtim gətirib ki, sevgidə məni başa
düşürlər. Bu münasibətlərdə qarşılıqlı anlaşma çox vacibdir.
- Məğlubiyyətlə barışa bilirsən?
- Mənim üçün məğıubedilməz rəqib yoxdur. Sevinirəm ki, dünyada olan
bütün şahmatçılara qalib gəlmişəm. Sonuncu məğlubiyyətim dünya
kuboku qalibi Boris Gerfona oldu. Amma ona da qalib gəldiyim
oyunlar olub. İndi məğlubiyyətlə barışa bilmirəm. Çünki indi məğlub
olmaq olmaz. Onu da qeyd edim ki, beyinə vurulan zərbə daha ağır
olur. Bəzən elə məğlubiyyətlər olur ki, 2-3 ay təsirindən çıxa
bilmirəm.
- Oyundan əvvəl hər hansı bir ənənən varmı ki, bu ənənənin sənə
uğur gətirdiyini hesab edirsən?
- Əslində belə inanclarım yoxdur. Amma artıq neçə ildir ki, yazı
yazıram. Nə yazdığımı soruşmayın. Elə hesab edirəm ki, nə yazdığımı
desəm, öz sehrini itirər. Düzdür, fikirləşmirəm ki, bu, mənə uğur
gətirir. Sadəcə, özümü aldadıram.
- Özün haqqında 3 maraqlı fakt...
- Vegeterian olmuşam. Amma indi bu vərdişdən uzaqlaşmışam.
- Rəngləri seçə bilmirəm.
- Gün ərzində 5 dəqiqədən çox TV-yə baxmıram.
Pərvanə
Publika.Az
-
Magazin100:30
“Sonradan soyunanda göz öyrəşmir” - FOTO
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin228 Mart 22:00
Sevgilisi məşhur aktrisanı döydü: "Aylarla..."
-
Sosial28 Mart 21:36
Daxili İşlər Nazirliyi əhaliyə ÇAĞIRIŞ ETDİ
-
İnanc28 Mart 21:24
Ramazanın 19-cu gününün duası - İmsak və iftar vaxtı
-
Sosial28 Mart 20:24
Şahmar Hüseynova yeni VƏZİFƏ VERİLDİ - FOTO