Qırmızı.az
Bakının qalmaqallı məktəbində döyülmə
Bakıda orta məktəb müəllimlərinin adına kredit götürən direktorun işlədiyi məktəbdə daha bir qalmaqal yaşanıb. Söhbət Xətai rayonu ərazisindəki 171 saylı tam orta məktəbdən gedir.
Belə ki, həmin məktəbin müəlliməsinin 7-ci sinif şagirdini
döydüyü deyilir. Bu barədə ANS PRESS-in “Qaynar xətti”nə uşağın
valideynləri məlumat verib.
Məlumata görə, məktəbin 60 yaşlı coğrafiya müəlliməsi Mədinə
Tağıyeva dərsdə şagirdi Yunis Paşazadəni vurub. Şikayətdə
müəllimənin şagirdi taxta ilə başından vurduğu deyilir. Müəllimənin
daha sonra şagirdi təhqir etdiyi deyilir. Həmçinin şikayətdə
bildirilir ki, Mədinə Tağıyeva həmişə şagirdlərinə qarşı aqressiv
olub.
Məsələni araşdırmaq üçün məktəbə yeni təyin olunmuş direktoru
Rövşən Qasımovla əlaqə saxladıq. Direktor ANS PRESS-ə açıqlamasında
bildirib ki, hadisə ötən ayın 28-də baş verib. Lakin o, həmin vaxt
məktəbdə işləməyib. Yəni hadisə keçmiş direktor İradə Murğuzovanın
işlədiyi dövrdə olub.
“Mən məktəbə dekabrın 1-dən direktor təyin olunmuşam. Lakin
hadisə barədə xəbərdaram. Ötən gün Xətai rayon Polis İdarəsi 35-ci
poli bölməsindən gəlmişdilər. Mənim də iştirakım olmaqla müəllimə
ilə danışdılar. Müəllimə etiraf etdi ki, şagirdlə aralarında
problem olub. Lakin deyilən kimi müəllimə şagirdi taxta parçası il
başından vurmayıb”, - deyə Rövşən Qasımov bildirib.
Direktorun sözlərinə görə, şagird özünü yaxşı aparmadığı üçün
sadəcə onu tənbeh edib. Daha sonra əlindəki plastmas çubuqla onun
qolundan vurub.
“Bir direktor kimi deyə bilərəm ki, adi bir hadisəni bu qədər
şişirdib, müəlliməni belə incitmək olmaz. Mənə də şikayət edə
bilərdilər. Lazım olsa müəlliməyə töhmət də verə bilərəm. Amma
səmimi olaraq deyim ki, həmin hadisədə müəllimənin heç bir günahı
yoxdur”, - deyə direktor əlavə edib.
Daha sonra hadisənin əslində necə baş verməsini öyrənmək üçün
müəllimənin özü ilə əlaqə saxladıq. Mədinə Tağıyeva ANS PRESS-ə
açıqlamasında bildirdi ki, hadisə həqiqətən də sinifdə baş verib.
Lakin o, iddia olunduğu kimi şagirdini möhkəm vurmayıb.
“Məndən dərsdən çıxmağa icazə aldı. Dedi ki, sinif rəhbərimdən
telefonu almalıyam. İcazə verməsəm də, otaqdan çıxdı. Daha sonra
sinif rəhbəri otağa gəldi və məlum oldu ki, əslində Yunis onun
yanına getməyib. Daha sonra o sinifə gələndə məni niyə aldatdığını
soruşdum. Sonra əlimdə xəritəni göstərmək üçün istifadə etdiyim
nazik plasmas çubuqla onun qolundan vurdum”, - deyə Mədinə Tağıyeva
bildirib.
Müəllimə deyir ki, bu Yunisin valideynlərinin ona qurduğu tələdir. Səbəb isə məktəbin köhnə direktoru İradə Murğuzovanın tapşırığıdır. Müəllimə bildirib ki, həmin valideynlə köhnə direktorun yaxınlığı var. Bu səbəbdən də, bu düşünülmüş addımdır.
“İradə Murğuzova müəllimələri məcbur edirdi ki, onun üçün kredit götürsünlər. Mən razı olmadım. Mənə daim tələ qururdu. İndi də, bu məsələ onun işidir”, - deyə Mədinə Tağıyeva bildirib.
Qeyd edək ki, bir müddət əvvəl 171 saylı məktəbdə insident baş vermişdi. Məktəbin direktoru İradə Murğuzova tabeliyində çalışdığı müəllimləri məcbur etmişdi ki, onun üçün kreditlər götürsünlər. Daha sonra o müəllimlərin kreditini ödəməkdəm imtina etmişdi.
Xatırladaq ki, məhkəmə müəllimlərin adına bankdan kredit götürdüyünə görə işdən azad olunan 171 saylı orta məktəbin direktoru İradə Murquzova ilə bağlı daha bir qərar vermişdi.
Direktor müsahibəsində həmin məktəbdə müəllim işləyən Mədinə Tağıyevanın ünvanına nalayiq ifadələr işlədib. Buna görə də, o, keçmiş direktoru məhkəməyə vermişdi.
Aparılan araşdırmadan sonra məhkəmə İradə Murquzovanın təhqir etdiyi Mədinə Tağıyevaya 2500 manat təzminat ödəməsinə dair qərar çıxarıb.
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO
-
İdman11:06
"Qarabağ"ın futbolçusu Fransa klubu ilə anlaşdı - FOTOFAKT
-
Dünya10:56
NATO Rusiya ilə müharibəyə hazırlaşır - Bu ölkədən hücuma keçəcəklər
-
Nida Xəbər 10:30
Bu gün ilk Qədr gecəsidir
-
Magazin110:05
Elza qəzəbləndi: "Küçə sözlərinə əl atırlar" - VİDEO
-
MDB09:36
Putin o gecə yuxuya getməyib - Səhərə qədər...