Qırmızı.az

Dünyanın ən yaxşı azərbaycanlı müəllimi qalib oldu

18 Dekabr 2014 10:28

ABŞ-ın sabiq prezidenti Bill Klintonun fəxri rəhbəri olduğu "Varkey GEMS" Fondu tərəfindən təsis olunmuş "Dünya Müəllimi Mükafatı"nın qalibləri sırasında yer alan Məhəmməd Qarakişiyev daha bir müsabiqənin qalibi oldu.

Publika.az-ın məlumatına görə, M.Qarakişiyev 2013/2014-cü tədris ilində keçirilmiş “Ən yaxşı müəllim” müsabiqəsinin qalibləri sırasındadır.

M.Qarakişiyev Balakən rayonundakı akademik Zərifə Əliyeva adına 3 nömrəli tam orta məktəbin ingilis dili müəllimidir.

Qeyd edək ki, prezidenti İlham Əliyev 2013/2014-cü tədris ilində keçirilmiş “Ən yaxşı müəllim” müsabiqəsinin qaliblərinin mükafatlandırılması haqqında sərəncam imzalayıb.

Sərəncama əsasən, 2013/2014-cü tədris ilində keçirilmiş “Ən yaxşı müəllim” müsabiqəsində müvəffəqiyyət qazandıqlarına görə, “Ən yaxşı müəllim” adını alan müəllimlər 5000 (beş min) manat məbləğində birdəfəlik pul mükafatı ilə mükafatlandırılırlar.

Gülxar