Qırmızı.az
Şaxtalara hazırıq: qaz, istilik, elektrik problemi olmayacaq - RƏSMİ AÇIQLAMA
Artıq yeni ilin ilk günlərindən başlayaraq havaların kəskin dəyişməsi ilə bağlı proqnoz verilib. Ekologiya və Təbii Sərvətlər Nazirliyi yanvar ayının 7-si axşamdan başlayaraq hava şəraitinin kəskin dəyişəcəyi, şimal küləyinin güclənəcəyi, ayın 8-dən 10-dək fasilələrlə yağıntılı olacağı, sulu qar, qar yağacağı ilə bağlı məlumat yayıb. Havanın temperaturunun ayın 8-də ötən günlə müqayisədə 10-12 dərəcə aşağı enəcəyi, 8-i gün ərzində 0°-yə yaxın, axşama doğru -2° şaxta, 9-u gün ərzində 0°-yə yaxın, 9-10-da gecə saatlarında -4° şaxta olacağı ehtimalı var.
Soyuq hava şəraiti kommunal sektorda qışa hazırlıq tədbirlərinə
nəzarətin artırılması zərurətini yaradıb. İşığa, qaza tələbat
artacaq, binaların isitmə sistemlərinin problemləri gündəmə
gələcək. Bəs müvafiq qurumlar bu tələbatı ödəməyə
hazırdırmı?
"Azərenerji" ASC-nin mətbuat xidmətindən Publika.az-a verilən məlumata görə, bütün xidmət sahələrində olduğu kimi, o cümlədən "Azərenerji" də həmişə gücləndirilmiş iş rejimində çalışır: “Abonentlərin keyfiyyətli və fasiləsiz elektrik enerjisi ilə təchiz olunmaları məqsədilə mövsümün əvvəlindən bir sıra yenidənqurma və təmir-bərpa işləri aparılıb. Qurum hər an şaxtalara hazırdır, heç bir problem yoxdur”.
“Azəriqaz” İB də şaxtalara hazırdır. “Azəriqaz” İB-nin mətbuat xidmətinin rəhbəri İbrahim Kərbəlayevin sözlərinə görə, qış vaxtına keçid noyabr ayından başlansa da, havaların soyuq keçməsilə əlaqədar əhalinin tələbatına uyğun olaraq mavi yanacağın artırılması mümkündür.
“Qurum mövsümə tam hazırdır. Bildiyiniz kimi payız və qış
mövsümünə hazırlıq tədbirləri çərçivəsində qaz təsərrüfatında da
xeyli işlər görülüb. Köhnə borular yenisilə əvəz olunub, bir sıra
qaz verilməyən kəndlərin qazlaşdırılmasına xüsusi diqqət yetirib.
“Azəriqaz” İstehsalat Birliyinin baş direktorunun əmri ilə
2014-2015-ci illərin payız-qış mövsümünə hazırlıqla bağlı 347
bənddən ibarət tədbirlər planı hazırlanıb təsdiq olunmuşdu. Bu
tədbirlər planına müvafiq olaraq 30 min metrdən çox qaz kəmərinin
təmiri, əvəzolunması və çəkilməsi, 5 min metrdən çox qaz kəmərinin
dayaqlar üzərinə qaldırılması və 102 ədəd qaz tənzimləyici, 108
ədəd siyirtmənin quraşdırılması həmin tədbirlər planında əksini
tapıb. Bu işlər artıq başa çatdırırlıb. Bundan əlavə, ölçü
qovşaqlarında müəyyən avadanlıqlara baxış keçirilib, təmir, təftiş
işləri aparılıb. Texniki məsələlər bununla bağlıdır. Eyni zamanda,
qış mövsümünə hazırlıqla bağlı hal-hazırda qaz kəmərlərinin və
cihazlarının texniki xidmət sahəsi tərəfindən aparılan texniki
baxışların sayı artırılıb. Həmçinin təhlükəsizlik tədbirlərinə
diqqət gücləndirilib”.
"Azəristiliktəchizat" ASC-nin xidmət rəisi Rafiq Əliyevin Publika.az-a bildirdiyinə görə, qurum normal rejimdə çalışır: “Heç bir problem yoxdur. Hətta temperatur 20 dərəcə də aşağı ensə, biz istənilən şaxtaya hazırıq. Qazanxananın işi qaz, işıq və sudan asılıdır. Əgər bu komponentlərdə problem olmayacaqsa, istiliklə təchizatda da heç bir problem olmayacaq”.
2015-ci il üçün proqram hazırlandığını deyən qurum rəsmisinin sözlərinə görə, “Bakı və onun qəsəbələrinin “2015-2016-ci illərdə sosial-iqtisadi inkişafı dövlət proqramı” hazırlanır: “Regionların 2014-2018-ci illər sosial-iqtisadi inkişafı dövlət proqramı”na uyğun olaraq bir sıra işlər davam etdirilir. 2015-ci ildə konkret görüləcək işlər də həmin proqramın tam hazırlanandan sonra məlum olacaq. Bundan sonra həmin proqram Nazirlər Kabinetinə təqdim olunacaq. Sonra həmin layihələr üzərində işlər davam etdiriləcək”.
Qurumların qışa və şaxtalara hazır olduqları nəzəri cəhətdən mümkün görünsə də, bunun əməli olaraq özünü nə qədər doğruldacağını isə zaman göstərəcək.
Gülnar Əliyeva
-
Magazin106:16
Əməkdar artist: “Oğlumun vəfatından sonra yatmıram”
-
Kriminal03:30
Sumqayıtda DƏHŞƏT: oğul ata-anasını qətlə yetirdi - YENİLƏNDİ
-
Magazin202:22
Məşhur model çimərlikdə çılpaq pozalar verdi - FOTO
-
Nəqliyyat01:00
ŞOK İDDİA: Dubayda su altında qalan avtomobillər Azərbaycana gətirilə bilər - VİDEO
-
Magazin100:45
“Səhvlərinizin əllərindən öpün”
-
MDB00:30
Azərbaycanlı milyarder Rusiyanın ən zəngin adamı oldu
-
Qoroskop00:15
Günün ULDUZ FALI: münasibətlər gərginləşə bilər
-
MDB18 Aprel 23:12
Bu ölkədə falçı və cadugərlərlə bağlı SƏRT QƏRAR VERİLƏCƏK