Sərxoş maneken 2 nəfəri öldürdü - FOTO

Qadın sürücü yoldan keçən 3 piyadanı vurub.

Publika.az Türkiyə mediasına istinadən məlumat verir ki, Mersin Qazi Mustafa Kamal Bulvarında qarşı yola keçməyə çalışan 54 yaşlı Adem Eren ilə onun qızları, 17 yaşlı Zilan və 24 yaşlı Öznur Eren sürücülük vəsiqəsi olmayan qadın sürücünün qurbanı olublar.

Araşdıromalar zamanı məlum olub ki, sürücü İclal Güvercin Şimali Kiprdə manikenlik edir. O, idarə etdiyi Kipr dövlət nömrə nişanlı avtomobillə, piyada keçidindən qarşı tərəfə keçməyə çalışan ata ilə onun 2 qızını vurub yolun bir kənarına atıb. Nəticədə Öznur ağır bədən xəsarətləri alsa da, onun atası Adem və bacısı Zilan hadisə yerindəcə dünyasını dəyişib.

Qadın sürücüyə gəlincə, o baş vermiş olaydan sonra maşından düşüb və qaçmağa başlayıb. Lakin qısa müddətdən sonra polis onu yaxalamağa müvəffəq olub.

Bildirilir ki, 2 nəfərin ölümünə, bir nəfərin isə ağır yaralanmasına səbəb olan qadın sürücü içkili vəziyyətdə olub. Bundan başqa, onun hadisədən öncə radara düşdüyü də qeyd olunur.

Faktla bağlı araşdırmalar davam edir.

Vazeh