Qırmızı.az

Göyçayda polislərin yaralanması ilə nəticələnən yol qəzası baş verib

15 Fevral 2014 22:16

Göyçay rayonunda iki minik maşını toqquşub, biri polis olmaqla iki nəfər xəsarət alıb.

Göyçay rayonunda iki minik maşını toqquşub, biri polis olmaqla iki nəfər xəsarət alıb.

Hadisə bu gün Göyçay-Bərgüşad yolunun 1-ci kilometrliyində, Cəyirli kəndi ərazisində qeydə alınıb. Rayonun Bığır kənd sakini, Göyçay rayon Polis Şöbəsinin sahə müvəkkili, polis kapitanı 1967-ci il təvəllüdlü Salmanov Habil Sabir oğluna məxsus “VAZ 2109” markalı minik maşını qarşı tərəfdən gələn Göyçay şəhərinin Vaqif küçəsi 91 ünvanında yaşayan 1991-ci il təvəllüdlü Həsrətov Bağır Arif oğlunun idarə etdiyi “VAZ 2109” markalı maşınla toqquşub. Hadisə nəticəsində hər iki avtomobilin sürücüsü müxtəlif dərəcəli bədən xəsarətləri ilə Göyçay Mərkəzi Rayon Xəstəxanasına yerləşdirilib.

Faktla bağlı Göyçay rayon Prokurorluğu tərəfindən araşdırma aparılır. /Musavat/