Qırmızı.az

Azyaşlı uşaqlarını və həyat yoldaşını öldürdü, sonra intihar etdi

7 Fevral 2015 18:29

Türkiyənin Qars vilayətinin Oluklu kəndində yaşayan 24 yaşlı Bilal Durmuş həyat yoldaşı və iki azyaşlı uşağını öldürüb.

Publika.az-ın məlumatına görə, daha sonra o eyni tüfənglə özünü öldürüb.

Yayda əkinçiliklə məşğul olan, qışda inşaatda işləyən iki uşaq atası B.Durmuş atası, babası ilə birlikdə yaşayıb. Hadisə axşam saatlarında baş verib. O evə gələrək, uşaqlarını və arvadını götürüb kənddən 2 kilometr kənara aparıb. Yanındakı silahla əvvəl həyat yoldaşını və uşaqlarını, daha sonra özünü öldürüb.

Yolun ortasındakı 4 cəsədi Qars hava limanından kəndə gələn bir nəfər görüb. Gördüyü mənzərə qarşısında şoka düşən şəxs polisə xəbər verib. Hadisə yerinə gələn polislər araşdırma apardıqdan sonra cəsədləri morqa aparıblar.

B.Durmuşun nə üçün belə bir hadisə törətməsi araşdırılır.

Gülxar