Qırmızı.az
Sınmış qoşa qanad
Tanıdığın adamın ölüm xəbərini eşitmək nə qədər ağırdırsa, onun haqqında yazı yazmaq bir o qədər çətindir. Bu yazını, əslində, bir həmkar borcu olaraq lap çoxdan yazmalıydım. Amma gözəl insan, gözəl xanım, gözəl ana və istedadlı telejurnalist olan Lətifə xanımın ölüm xəbəri bizi elə sarsıtmışdı ki…
Hələ də onun yoxluğuna inanmırıq. Keçmiş iş yoldaşı kimi son zamanlar Vəfa xanımla onu lap tez-tez xatırlayırdıq. Bilmirəm, bəlkə də, bu, ilahi bir qüvvə idi. Bizə nəyi isə agah etmək istəyirdi, nəyisə anlatmaq istəyirdi, ona görə ruhu bizimlə idi. Və eşidəndə ki, həyat yoldaşı Kamil oğlunun maşınında ağır qəza keçirib dünyasını dəyişib, bu xatırlamaların bir nəticəsi olmalıydı deyə düşündük. Xəyallarda gəzişən Lətifə xanımın ruhu gör neçə gün idi ki, bizimlə idi. Bu idimi bizə anlatmaq istədiyi? Və bu hadisə…
Vəfa xanım mənə: “Rəhilə, onlar haqqında bir şey yaz. Axı sən onların hər ikisini yaxsı tanıyırdın” dedi. Mən də yazdım. Lətifə xanım da, Kamil də uzun müddət Azərbaycan Dövlət Televiziya şirkətində çalışırdılar. Lətifə xanım ruh adamıydı. Verilişləri bədii publisistik yönümdə olardı. Kamil isə iqtisadiyyat yönümlü verilişlər hazırlayardı. Biri romantik, biri realist. Yalnız bu sahədə yolları ayrılırdı. Qalan işlərdə isə bir idilər, birgə idilər. İkisi də ədəb-ərkanlı, ikisi də geniş ürəkli, ikisi də xoşxasiyyətli, qonaqpərvər. İkisi də sözün əsl mənasında İNSAN idilər. Biri-birlərinə olan istəklərini büruzə verməsələr də, qoşa qanad idilər. Abırlı, ismətli bir Azərbaycan ailəsi. Və qanadlarının altında böyüdüb boya-başa çatdırdıqları övladları da hər ikisinin xüsusiyyətlərini özlərində cəmləmişdilər. Toğrul və İnci hər ikisi gözümüzün qabağında böyümüşdü. Hər ikisinin toyunda iştirak etmisdik. Sevinclərini də, kədərlərini də dostlarıyla bölməyi bacaran Lətifə və Kamil cütlüyü övladlarına da düzgün tərbiyə verməyi bacardılar. Hər ikisini də zəhməti sevən, bir kimsənin bostanına daş atmayan şəxs kimi yetişdirdilər. Elə yaşa çatmışdılar ki, artıq illərin acısını canlarından çıxararaq, nəvələrin şıltaq hərəkətlərindən sevinən, kövrələn, ruhlanan vaxtlarıydı. Əcəl imkan vermədi ki.
Lətifə xanımın haqsız olaraq televiziyadan uzaqlaşdırılması onun səhhətinə çox təsir etdi. Hərçənd üzə vurmazdı, amma içini yeyən əsəb ona olmazın əzablar verirdi. Axı ömrünün ən azı 40 ilini bu sənətə vermişdi. Günlərlə körpələrinin üzünə həsrət qalmışdı. Ezamiyyətlər, tədbirlər, oba-oba, el-el gəzib, elm, sənət yolunda can qoyanların həyatını gündəmə gətirərək, onların çox problemlərini həll etmişdi. İndi isə aciz qalmışdı onu lazımsız sayanların qarşısında. Heç kimə bir söz demədən, heç kimə minnət qoymadan televiziyadan getmişdi. Sonra da amansız xəstəlik…
Hacı Lətifə bu halında belə, təkəbbürlü xasiyyəti ilə bir
kimsəyə öz ağrılarını yükləmədi. Nə vaxt halını soruşardın “şükür
Allaha, hər şey yaxsıdır” deyərdi. Və bir gün heç kimə əziyyət
verməmək üçün əcəlinə “xoş gəldin” deyərək mələklərin qollarında
haqq dünyasına qovuşdu. Xoşbəxt Lətifə-Kamil “qoşa qanadlarının”
biri qırıldı. Yazının bu yerində Hacı Lətifənin yaxşılıqlarından,
təmənnasız hörmətlərindən, bir sözlə, şahidi olduğum əhvalatlardan
ağız dolusu yazmışdım. Və birdən kompüterin bir düyməsini səhv
basdım, yazdıqlarım bir anda pozuldu. Çox əsəbiləşdim. Gözümün
önünə Lətifə xanımın gülümsər çöhrəsi gəldi. O hec vaxt etdikləri
yaxşılıqları dilə gətirməzdi. Mənə də icazə vermədi, yazılanı
pozdurdu.
Və keçid aldım Kamilə. Kamil Lətifə xanımdan sonra televiziyada çox
qalmadı. “Hara baxıramsa, onu görürəm” deyirdi və getdi. Bir müddət
“Respublika qəzeti”ndə çalışdı. Lətifədən sonra Kamilin həyatı
sanki sönmüşdü, qanadları qırılan quş kimi elə hey çırpınırdı.
Çətin ki bundan sonra havalarda uça biləydi. Havalı gəzirdi. Son
zamanlarsa lap kövrək olubmuş. Nə qədər özünü şux göstərsə də,
Lətifədən söz düsəndə hönkür-hönkür ağlayardı. Ən böyük sevinci isə
nəvələriydi. Tək onlarla hər şeyi unuda bilərdi. Adını nəvəsinə
qoymuşdular ki, bir az təskinlik tapsın. Ayazlı şaxtalı bir qış
axsamı. yerə-göyə sığmayan Kamil “Darıxıram, sıxılıram, ürəyim
partlayır” dedi. Gah qızıyla, gah nəvəsiylə danışdı. Bir qış axsamı
Toğrulla gəzməyə çıxdı. Və o faciə baş verdi. Tək qanadlı Hacı
Lətifənin dolaşan ruhu yalnız balasını xilas edə bildi. Yarını isə
öz yanına apardı – qoşa qanadlarla göylərdə uçmaq üçün. Toğrulu
bizə əmanət etdi. Allah hər ikinizə rəhmət eləsin, jurnalist
həmkarlarımız.
Onu tanıyan bütün jurnalist həmkarlarım adından
Rəhilə Soltanqızı
-
Sosial01:41
Azərbaycanı görünüşü ilə heyrətə gətirən uşağın atası danışdı - VİDEO
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?
-
Magazin123 Aprel 23:36
Tünzalə imicini dəyişdi - FOTO
-
MDB23 Aprel 23:12
Şoyqunun müavini SAXLANILDI - Külli miqdarda rüşvət alıb
-
İdman23 Aprel 22:48
Son çempion boşanır: uşaqlıqdan başlayan nağıl bitir