Qırmızı.az
Türkiyəli professor BANM-da olub
Qara Dəniz Universitetləri şəbəkəsinin Baş katibi professor Eden Mamut Bakı Ali Neft Məktəbində olub.
BANM-ın mətbuat xidmətindən Publika.Az-a verilən məlumata görə, görüşdə rektor Elmar Qasımov qonağa təhsil müəssisəsinin yaranma tarixi, 2-illik fəaliyyəti ərzində əldə etdiyi uğurları, tədris prosesinin Böyük Britaniyanın Heriot-Vatt Universitetinin proqramları və müasir texnologiyalar əsasında həyata keçirildiyi haqqında məlumat verib və məzunlara hər iki ali təhsil müəssisəsinin diplomlarının veriləcəyini qeyd edib.
Rektor təhsil müəssisəsinin fəaliyyətində beynəlxalq əlaqələrin genişləndirilməsinin prioritet istiqamət olduğunu bildirib, bu istiqamətdə görülmüş işlər, Avropa ölkələrinin bir sıra aparıcı təhsil müəssisələri ilə əməkdaşlıq əlaqələri haqqında qonağı məlumatlandırıb, Qara Dəniz Universitetləri şəbəkəsi ilə əməkdaşlıq əlaqələrinin qurulmasının Bakı Ali Neft Məktəbinin Qara Dəniz hövzəsi ölkələrinin aparıcı universitetləri ilə əməkdaşlığının genişləndirilməsində önəmli rol oynayacağını qeyd edib, əməkdaşlıq əlaqələrinin möhkəmləndirilməsi üçün təkliflər irəli sürüb və şəbəkənin rəhbərliyinə kollektivin minnətdarlıq hisslərini çatdırıb.
Qara Dəniz Universitetləri şəbəkəsinin Baş Katibi professor Eden Mamut Azərbaycanın gənc və müasir tipli texniki ali təhsil müəssisəsində olmağından məmnunluq hissləri keçirdiyini bildirib. Rəhbərlik etdiyi təşkilatın Qara Dəniz hövzəsi ölkələrinin ali təhsil müəssisələri arasında mütəxəssis hazırlığı, elmi-tədqiqat işləri, informasiya, təcrübə mübadiləsi kimi istiqamətlər üzrə əməkdaşlıq əlaqələrinin qurulmasına xidmət etdiyini vurğulayıb, bu işlərin həyata keçirilməsi üçün təşkil edilən konsorsiumlar və mərkəzlərin yaradılması, biliklərin yayılmasının proseslərinə universal yanaşmalar haqqında məlumat verib və Bakı Ali Neft Məktəbinin bu təşkilata üzv qəbul edildiyini bildirib.
Görüş zamanı Bakı Ali Neft Məktəbi ilə Qara Dəniz Universitetləri Assosiasiyasına üzv olan universitetlər arasında əməkdaşlıq əlaqələrinin perspektivləri müzakirə edilib. Daha sonra professor Eden Mamut Bakı Ali Neft Məktəbinin Qara Dəniz Universitetləri şəbəkəsinə üzv qəbul edildiyini təsdiqləyən sertifikatı təhsil ocağının rektoru Elmar Qasımova təqdim edib.
Görüşün sonunda Bakı Ali Neft Məktəbi ilə Qara Dəniz Universitetləri şəbəkəsi arasında əməkdaşlığın genişləndirilməsinə verdiyi töhfələrə görə professor Eden Mamuta “Fəxri qonaq” diplomu təqdim edilib.
Publika.Az
-
Cənubi Qafqaz19:36
Ermənistan hərbçisi Azərbaycanla sərhəddə minaya düşdü
-
Avropa17:21
Makrondan qorxunc iddia: Avropa dağılacaq, köçkünlər olacaq
-
Kriminal16:33
Özünü ölmüş kimi təqdim edən biznesmenə hökm oxundu
-
MDB16:00
Avropa Yer üzündən silinəcək, Amerika isə... - Belarusdan şok hədə
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!