Qırmızı.az
Bakı və Ankaranın səma mesajı: müharibə ehtimalı, “erməni soyqırımı”...
Son günlər cəbhə xəttində düşmən Ermənistanın təxribatları artır. Azərbaycan ordusunun qarşısında aciz qalan düşmən tərəfi böyük itkilər versə də, təxribatlardan əl çəkmək niyyətində deyil.
Bunun fonunda Ermənistan müdafiə naziri Seyran Ohanyan Azərbaycanı
təhdid etdi. Hansı ki, bu təhdidin arxasında Ermənistanın güclü
ordusuna güvənmək hissi dayanmırdı. Müdafiə naziri təxribatları
nəticəsində verdikləri itkiləri gizlətməyə və ac erməni əhalisinin
diqqətini “xarici düşmənə” yönəltməyə çalışırdı.
Rəsmi İrəvanın narahatlığı başa düşüləndir. Çünki qondarma “erməni
soyqırımı”nın 100 illiyinə hazırlaşan bu ölkə əks-effektlə üzləşib.
Dünya artıq erməni yalanına inanmır, onların Xocalıda soyqırım
törətdiyini dilə gətirir. Bununla yanaşı, bir sıra erməni yazarları
da Xocalıya görə Azərbaycandan üz istədi. Bu erməni təbliğat
maşınının iflası deməkdir. Lakin dünyanın ürəyində qara ləkə olan
erməni diasporu Azərbaycan və Türkiyəyə qarşı anti-təbliğat
kampaniyasına davam etdirir.
Bu proseslər fonunda Azərbaycan və Türkiyə şahinlərinin ilk dəfə
birgə təlimlərə başlaması diqqət çəkir. Müdafiə Nazirliyinin rəsmi
məlumatına görə, Azərbaycan Hərbi Hava Qüvvələrinin 3 ədəd MiQ-29
qırıcı, 3 ədəd Su-25 hücum və İl-76 hərbi-nəqliyyat təyyarəsi
müştərək təlimlərdə iştirak etmək məqsədilə Türkiyə Respublikasının
Konya şəhərində yerləşən aviabazaya gəlib. Eyni zamanda,
“İŞIK-2015” beynəlxalq axtarış-xilasetmə təlimlərində iştirak etmək
məqsədilə Azərbaycan Hərbi Hava Qüvvələrinin 4 ədəd Mi-17
döyüş-nəqliyyat helikopterləri də təlim keçiriləcək Konyadakı
aviabazaya yollanıb.
Təlimlərdə Azərbaycan və Türkiyə ilə yanaşı bir sıra ölkələrin
Hərbi Hava Qüvvələrinin vasitələri müştərək fəaliyyətlərin
planlaşdırılması, əməliyyatların keçirilməsi üzrə qarşılıqlı
fəaliyyət və döyüş uzlaşması imkanlarının öyrənilməsi, o cümlədən
axtarış-xilasetmə və digər tapşırıqları yerinə yetirəcəklər.
Təlimlərin məhz aprel ayının 13-nə kimi davam etməsi də bu aya
nəzərdə tutulan “erməni soyqırımı” məsələsinə Bakı və Ankaranın
birgə mesajıdır.
Milli Strateji Təhqiqatlar Mərkəzinin rəhbəri, politoloq Natiq Miri
Publika.az-a açıqlamasında bildirib ki, bu təlimlər Ermənistan və
onların havadarı olan ölkələrə önəmli cavabdır: “Azərbaycan və
Türkiyə bütün xarici düşmənlərə qarşı birlikdədir. Bununla yanaşı,
digər türkdilli ölkələr də bundan nəticə çıxarmalıdır. Yəni Türkiyə
regionda əsas güc olaraq Azərbaycanın yanındadır. Bu dəstək digər
türkdilli ölkələrə də verilə bilər”.
N. Mirinin fikrincə, hazırda yeni dünya nizamı qurulur.
“Yaxın Şərqdə savaş gedir, İŞİD-ə qarşı mübarizə aparılır və
Ukrayna böhranı səngimək bilmir. Bunun fonunda müstəqil hərəkət
etmək istəyən Türkiyəni təkləmək istəyirlər. Xüsusilə, Ankaranın
Qərb müttəfiqləri təzyiqlər edir. Belə bir vaxtda iki qardaş
ölkənin şahinlərinin səmaya birgə qalxması həm də dünya güclərinə
mesaj ola bilər. Hansı ki, Azərbaycan regionda öz önəmini getdikcə
artırır və Qərb üçün daha əhəmiyyətli gücə çevrilir. Belə bir gücün
Türkiyənin yanında olması təbii ki, Ankara üçün müsbətdir.
Həmçinin, Bakı da Ankara ilə birgə olduğunu, xarici təzyiqlərə
qarşı güclü müttəfiqə sahib olduğunu göstərir”, - deyə politoloq
qeyd edib.
Birgə təlimləri Publika.az-a şərh edən sabiq dövlət müşaviri,
politoloq Vəfa Quluzadə isə məsələyə fərqli yanaşır. Onun fikrincə,
bu, təkcə “erməni soyqırımı”na qarşı deyil.
“Söhbət bölgədə mümkün müharibə təhlükəsindən gedir. Burda bir neçə
variant var. Rusiyaya qarşı Qərbin təzyiqi Moskvanı əlavə addımlar
atmağa məcbur edə bilər. Rusiya da ermənilər vasitəsilə Cənubi
Qafqazda stabilliyi pozmağa cəhd edə bilər. Ən unikal variant
olaraq, “erməni məsələsinin” 100 illiyindən istifadə edə bilər.
Sonra da bildirər ki, ermənilər türklərə qarşı qisas hücumuna
başlayıb. Hesab edirəm ki, bunu Ankara və Bakıda anlayırlar. Buna
görə də birgə “əzələ nümayişi” edilir”, - deyə o bildirib.
V. Quluzadə hesab edir ki, Bakı və Ankaranın ümumi xarici qüvvələrə
qarşı birgə hərəkəti müsbət haldır.
Asif Nərimanlı
-
Nida Xəbər 21:20
Sərhədin delimitasiyası başladı: İrəvan dərhal Tehrana hesabat verdi
-
Magazin120:59
Dilarə səhnə geyimi ilə gündəm oldu - VİDEO
-
Elm və təhsil20:40
Buraxılış imtahanının nəticələri açıqlandı
-
Ekologiya18:49
Hava şəraiti kəskin dəyişəcək - XƏBƏRDARLIQ
-
Avropa18:38
İranın Parisdəki konsulluğuna partlayıcı ilə daxil olan şəxs SAXLANILDI
-
Region17:53
Əcnəbilərə sertifikatları pulla satan rektor işdən çıxarıldı
-
Nida Xəbər 17:20
Razılıq əldə edildi: Qazaxın 4 kəndi Azərbaycana qaytarılır
-
Rəsmi xronika16:58
İlham Əliyev bu qanunu təsdiqlədi