Qırmızı.az
Fövqəladə Hallar Nazirliyinin Bakı Regional Mərkəzi “dəyirmi masa” keçirib
Fövqəladə Hallar Nazirliyinin (FHN) Bakı Regional Mərkəzi martın 10-da Suraxanı Rayon İcra Hakimiyyətində “Fövqəladə halların nəticələrinin aradan qaldırılması zamanı qəza-xilasetmə və digər təxirəsalınmaz işlərin keçirilməsində qarşılıqlı fəaliyyətin təşkili” mövzusunda “dəyirmi masa” keçirib.
FHN-dən AZƏRTAC-a bildiriblər ki, “dəyirmi masa”da nazirliyin
qurumlarının nümayəndələri, Bakı şəhəri və rayonlarının fövqəladə
hallar üzrə komissiyalarının sədrləri - rayon icra hakimiyyəti
başçılarının birinci müavinləri, Bakı Şəhər Baş Polis və Səhiyyə
idarələri, Bakı Şəhəri üzrə Təhsil İdarəsi, “Azəryolservis”,
“Azərsu”, “Azərişıq” və “Təmiz Şəhər” Səhmdar cəmiyyətləri,
“Azəriqaz” və “Bakı Lift-Təmir” istehsalat birlikləri, Dənizkənarı
Bulvar İdarəsinin rəhbər işçiləri, birinci Avropa Oyunları
Əməliyyat Komitəsinin nümayəndələri iştirak ediblər.
“Dəyirmi masa” iştirakçıları əvvəlcə Heydər Əliyev Mərkəzi ilə
tanış olublar.
Artıq beşinci ildir fövqəladə hallar zamanı qarşılıqlı fəaliyyətin
təşkilinin mövcud vəziyyətinin öyrənilməsi, görülən işlər,
problemlər və onların həlli yollarının müzakirəsi məqsədilə
keçirilən tədbirdə çıxış edən Suraxanı Rayon İcra Hakimiyyətinin
başçısı İlqar Abbasov fövqəladə hallarla mübarizə prosesində birgə
fəaliyyətin belə hadisələrin qarşısının alınmasında, xüsusən də
nəticələrinin aradan qaldırılması zamanı itkilərin və dəyən ziyanın
minimuma endirilməsində müstəsna əhəmiyyətini vurğulayıb.
FHN-in Bakı Regional Mərkəzinin rəis müavini Tale Şamçıyev
“Birinci Avropa Oyunlarının hazırlığı və keçirilməsi dövründə birgə
fəaliyyət istiqamətləri” mövzusunda çıxış edərək Mərkəz tərəfindən
hazırlanmış xüsusi təqdimatla ətraflı məlumat verib. O, Bakıda
tıxaclar, qanunsuz park yerləri, yaşayış massivlərindəki
qeyri-qanuni maneələr, yolların və çimərliklərin vəziyyəti, məişət
tullantılarının daşınması ilə bağlı bu gün mövcud olan problemlərlə
birgə mübarizə aparmağın vacib olduğunu qeyd edib.
Tədbirdə “Fövqəladə halların nəticələrinin aradan qaldırılması
zamanı qəza-xilasetmə və digər təxirəsalınmaz işlərin aparılmasında
qarşılıqlı fəaliyyətin təşkili” və “FHN Bakı Regional Mərkəzinin
yerli icra hakimiyyəti orqanları ilə bina və qurğuların texniki
təhlükəsizliyinin monitorinqinin keçirilməsi sahəsində birgə iş
təcrübəsi” mövzuları da iştirakçıların diqqətinə
çatdırılıb.
Birinci Avropa Oyunları təhlükəsizlik departamentinin
təhlükəsizlik əməliyyatları şöbəsinin rəhbəri Körk Rodz “Bakı-2015”
birinci Avropa Oyunlarının təhlükəsizlik əməliyyatlarının icmalı”
mövzusunda təqdimatla çıxış edib, Oyunların təşkili ilə bağlı
ətraflı məlumat verib.
Təqdimatlardan sonra Bakı şəhəri və rayonlarının fövqəladə
hallar üzrə komissiya sədrləri - rayon icra hakimiyyəti
başçılarının birinci müavinləri ötən il ərzində fövqəladə halların
nəticələrinin aradan qaldırılması ilə bağlı görülmüş işlər, qarşıda
duran vəzifələrlə bağlı çıxışlar edib, mövcud problemlərin həlli
istiqamətində birgə fəaliyyətin zəruriliyini vurğulayıblar.
-
İdman22:48
Son çempion boşanır: uşaqlıqdan başlayan nağıl bitir
-
Dünya21:36
Məşhur bloqer helikopterdən bir çanta pulu çimərliyə SƏPƏLƏDİ - VİDEO
-
Sosial21:24
Böyük ümidlərlə getmişdilər: ilk şəhidimizin məzarı tapılmadı - FOTO
-
Nəqliyyat19:48
Azərbaycanda bu taksi şirkəti BAĞLANIR - FOTO
-
Sosial19:12
Azərbaycanda tikintidə GÖRÜNMƏMİŞ HADİSƏ - VİDEO
-
Sosial18:40
Xankəndidə dünyaya gələn ilk körpənin ailəsinə MÜJDƏ
-
Sosial17:54
Əli Əsədov qərar imzaladı
-
Qarabağ 17:13
Xankəndidə ilk körpə dünyaya gəldi - FOTO