Qırmızı.az

Bakı Dairəvi yolu təmirə bağlandı - FOTO

13 Mart 2015 16:49

Bakı Dairəvi avtomobil yolunun 14-cü kilometrlik hissəsində (Lökbatan dairəsindən şəhər istiqamətinə) təmir işlərinə başlanılıb.

Bu barədə Publika.az-a “Azəryolservis” ASC-nin mətbuat xidmətinin rəhbəri Pünhan Mürsəliyev bildirib.

Onun sözlərinə görə, təmir işləri çərçivəsində yol konstruksiyasının üst qatının yenilənməsi işləri aparılır.

P. Mürsəliyev bildirib ki, ilk Avropa Oyunlarının keçirilməsi ilə əlaqədar nəzərdə tutulan marşrut əsas götürülməklə həyata keçirilən işlər sürətlə davam etdirilir. İdmançıları, texniki heyəti və media yayım şirkəti nümayəndələrini Atletlər və Media kəndindən məşqlərə və idman obyektlərinə aparmaq üçün planlaşdırılan marşrut Ziya Bünyadov prospekti – 20 yanvar dairəsi – Moskva prospekti – 20 Yanvar tuneli – Bakı-Sumqayıt yolundan geriyə – Bakı Dairəvi yolu – Bakı-Ələt yolunun 2-14 km hissəsini əhatə edəcək.

Gülnar