Diaspor rəhbərinin cənazəsi Bakıya gətiriləcək
Bizi izləyin

Qırmızı.az

Diaspor rəhbərinin cənazəsi Bakıya gətiriləcək

Aprelin 9-da 41 yaşında vəfat etmiş Ümumrusiya Azərbaycan Konqresinin Yaroslavl vilayəti üzrə regional bölməsinin rəhbəri Söhrab İbrahimovun cənazəsi Bakıya gətiriləcək.

Publika.az xəbər verir ki, 2009-cu ilin yanvarından Ümumrusiya Azərbaycan Konqresinin Yaroslavl Vilayəti üzrə regional bölməsinə sədrlik etmiş, Yaroslavlda Azərbaycanla bağlı bir çox tədbirlərin keçirilməsində böyük rolu olmuş, həmin vilayətdə Azərbaycan diasporunun təşkilatlanması prosesində də yaxından iştirak etmiş Söhrab İsmayılov Bakıda dəfn olunacaq.

Qeyd edək ki, Söhrab İbrahimov 1974-cü ilin iyulun 10-da Laçın rayonunun Alqulu kəndində doğulub. Rusiya Beynəlxalq Biznes və Yeni Texnologiyalar Akademiyasının hüquq fakültəsini bitirib. Yaroslavlda bir sıra vəzifələrdə çalışan Söhrab İbrahimov uzun illərdi sahibkarlıq fəaliyyəti ilə məşğul idi. Diaspor rəhbəri eyni zamanda "Vahid Rusiya" ("Yedinnaya Rossiya") Partiyasının Yaroslavl şəhəri üzrə və Rusiya Xalqlar Assambleyasının Yaroslavl vilayəti üzrə Şuralarının üzvü idi.

Anar Tağıyev

Oxumağa davam et
Reklam
Reklam

Gündəm