Qırmızı.az

“Uşaqların başını kəsib, bunu islam kimi təqdim edirlər” - İranlı alim

16 Aprel 2015 14:41

“Uşaqların başını kəsib, bunu islam kimi təqdim edirlər. Bu gün islam dünyaya olduğu kimi çatdırılmır. Xalqın başını kəsirlər, iki yaşlı uşağın başını kəsib top kimi oynadırlar və deyirlər ki, bu, islamdır. Amma hamı bilir ki, bu, islam deyil. İslam mərhəmət dinidir”.

Publika.az-ın məlumatına görə, bu sözləri Müasir İran Tarixi Araşdırmalar Mərkəzinin rəhbəri Dr.M.Fəqihhənnaqi “İslam maarifçiliyi və müasir dövr” Beynəlxalq Bakı konfransında çıxışı zamanı deyib.

O bildirib ki, terrorizmin, radikalizmin islam dünyasına aidiyyəti yoxdur. İslam adından təqdim olunan işlərin islama aiddiyyəti olmadığını sübut etmək lazımdır:

“Bu, müsəlmanın deyil, fironun işidir və Qurani-Kərimdə də bu məsələ göstərilib. Bizim dinimiz hikmət, ağıl dinidir. Şiə, sünni və digər məzhəblər illərdir birlikdə yaşayıb, bu gün də yaşaya bilər. Ümid edirəm, bu tədbir islam həqiqətlərinin çatdırılmasında vasitəçi olacaq”.

Gülxar