Tofiq Yaqublu həbsxanaya qayıtdı - FOTO
Bizi izləyin

Qırmızı.az

Tofiq Yaqublu həbsxanaya qayıtdı - FOTO

Vicdan məhbusu Tofiq Yaqublu bu gün saat 13.20 radələrində cəza çəkdiyi 13 saylı cəzaçəkmə müəssisəsinə qaytarılıb. Bu barədə T.Yaqublunun evində olan musavat.com müxbiri Cavanşir Abbaslı məlumat verib.

Bildirilir ki, T.Yaqublunu məhbəsə yaxınları, partiya və döyüş dostları yola salıblar.

T.Yaqublu bir həftə öncə qızı, jurnalist, siyasi fəal Nərgiz Yaqublunun vaxtsız vəfatı ilə bağlı azadlığa buraxılmışdı.

Müxtəlif ictimai-siyasi qruplar onun azadlığa buraxılması üçün dövlət rəhbərliyinə müraciət etsələr də, hələlik T.Yaqublunun azadlığa buraxılması məsələsi reallaşmayıb.

Onu da xatırladaq ki, T.Yaqublu iki il öncə İsmayıllıda baş verən iğtişaşlarla bağlı həbs və məhkum edilib. O, hadisələrin ertəsi günü rayona getsə də, məhkəmə T.Yaqublunu iğtişaşların təşkilatçısı kimi mühakimə edib.

Beynəlxalq insan haqları təşkilatları T.Yaqublunu vicdan məhbusu kimi tanıyır.

O, Qarabağ müharibəsinin iştirakçısıdır.






Oxumağa davam et
Reklam
Reklam

Gündəm