Qırmızı.az

Azərbaycanda doğuş "bum"u: hamilələr niyə bu gün doğmaq istədi?

15 May 2015 18:05

Bu vaxta qədər "zerkalnıy" avtomobil və mobil telefon nömrələri almağa həvəsi olanlar indi də başqa, təqvim həvəsinə düşüblər. Analar övladlarının doğum tarixini "zerkalnıy" etmək istəyirlər: 15.05.2015.

Mili.Az xəbər verir ki, bu gün Bakının dövlət və özəl klinikalarında qeysəriyyə əməliyyatı üçün növbə yaranıb. Hamiləliyinin son ayında olan xanımlar övladlarını bu gün dünyaya gətirmək istəyirlər.

Əldə etdiyimiz məlumata görə, məşhur klinikalarımızdan birində həyata keçirilən qeysəriyyə əməliyyatlarının sayı 30-u keçib.

Bakıdakı bir neçə klinika ilə əlaqə saxladıq. Adlarının hallandırılmasını istəməyən klinikalardan əvvəlki günlərlə müqayisədə bu gün qeysəriyyə əməliyyatı ilə uşaq dünyaya gətirənlərin sayının artdığı bildirildi.
Təcrübəli həkimlər baş verənləri şərh etməyə çətinik çəkdilər. Onların dediklərinə görə, məsələ sırf psixologiya, daha doğrusu "mənəm-mənəmliklə" bağlıdır.