Neil Karney: “Avropa Oyunları ilə bağlı artıq 1000-dən çox yük daşınması qeydə alınıb”

“Azərbaycanda keçiriləcək birinci Avropa Oyunları ilə bağlı artıq 1000-dən çox yük daşınması qeydə alınıb”.

Publika.az-ın məlumatına görə, bunu “Bakı 2015” ilk Avropa Oyunlarının Əməliyyat Komitəsinin Məkanların İdarəetmə Departamentinin direktoru Neil Karney bu gün Bakıda keçirilən "Mühüm idman yarışlarında sərnişinlərin və yüklərin keçidinin idarə olunması üzrə TAİEX" adlı seminarda çıxışı zamanı bildirib.

Onun sözlərinə görə, Avropa Oyunları zamanı əlavə 1000-1500 yük daşınmasının da qeydə alınacağı gözlənilir. Neil Karney deyib ki, böyük beynəlxalq tədbirlər zamanı yüklərin və insanların ölkəyə asan şəkildə daxil olması mühüm əhəmiyyət kəsb edir: “Birinci Avropa Oyunları ilə bağlı da bu yüklərin həcmi də olduqca böyükdür. Burada 6 minə yaxın idmançı, o cümlədən çoxlu sayda mətbuat nümayəndələrinin və yayıçmıların gəlməsi nəzrədə tutulur. Bu özlüyündə ölkəyə gətiriləcək yüklərin nə qədər böyük həcmdə olacağını göstərir. Bu yüklər Azərbaycana standart qaydalar ilə daxil olacaq. Burada Gömrük Komiyəsinin də üzərinə böyük işlər düşür".

Vasif Həsənli