Region

Mövlud Çavuşoğlu Paşinyanı təbrik etdi

13 İyul 2018 04:30

Türkiyənin xarici işlər naziri Mövlud Çavuşoğlu Nikol Paşinyanı Ermənistanın baş naziri vəzifəsinə seçilməsi münasibətilə təbrik edib.

Erməni mətbuatı xəbər verir ki, bu barədə N.Paşinyanın özü məlumat yayıb.

Paşinyan bildirib ki, onunla Türkiyə XİN rəhbəri arasında qısa söhbət Brüsseldə, NATO-nun sammitində baş tutub.

"Biz nümayəndə heyəti ilə birlikdə zalda əyləşəndə Türkiyənin xarici işlər naziri sürətlə yanımızdan keçdi. Sonra o geri qayıtdı və əvvəlcə Avropa Şurasındakı birgə iş zamanı tanıdığı xarici işlər naziri Zoqrab Mnaçakanyana yaxınlaşdı. Sonra isə mənimlə tanış oldu və dedi ki, onlar Ermənistandakı inkişafı izləyirlər", - deyə N.Paşinyan Brüsseldə jurnalistlərə bildirib.

Onun sözlərinə görə, Çavuşoğlu həmçinin Paşinyanı baş nazir vəzifəsinə seçilməsi münasibətilə də təbrik edib. "Bizim digər əlaqəmiz və ünsiyyətimiz olmadı", - deyə o bildirib. (Report.az).