Belçika radiosu Xəzər üzrə razılaşmanı ŞƏRH ETDİ

Belçikanın “Premiere” radiostansiyası Xəzər dənizinin hüquqi statusuna dair Konvensiyanın imzalanmasını şərh edib.

Publika.az xəbər verir ki, radiostansiya sənədin imzalanmasını “tarixi qərar” adlandırıb.

“20 illik danışıqdan sonra tarixi qərar verildi”, - “Premiere”nin şərhində deyilir.

Qeyd edək ki, Azərbaycan, Rusiya, Qazaxıstan, İran və Türkmənistan prezidentləri bu gün Qazaxıstanın Aktau şəhərində Xəzər dənizinin hüquqi statusuna dair Konvensiyaya imza atıblar. V Xəzər sammitinin yekununda İlham Əliyev, Vladimir Putin, Nursultan Nazarbayev, Həsən Ruhani və Qurbanqulı Berdıməhəmmədov öz imzaları ilə Xəzər dənizinin hüquqi statusunu müəyyən edən sənədi təsdiq ediblər.

Sənəd üzərində iş 1996-cı ildən aparılıb, Konvensiya layihəsi isə yekun olaraq Xəzəryanı ölkələrin XİN rəhbərlərinin 4-5 dekabr 2017-ci il tarixində Moskvada keçirilən müşavirəsində razılaşdırılıb.

Qazaxıstan Prezidenti Nursultan Nazarbayev sənədi Xəzər dənizinin “Konstitusiyası” adlandırıb. Onun sözlərinə görə, Konvensiya regionda təhlükəsizliyin zamini olmalıdır.