Region

Azərbaycanlı tələbələrdən UNİKAL ETİRAZ - İran universitetlərində etiraz aksiyaları tüğyan edir - - FOTO

5 Dekabr 2018 10:16

Təbrizin Səhənd Sənaye Universitetinin tələbələri bundan əvvəl irəli sürdükləri tələblərin təmin edilmədiyinə etiraz olaraq aksiya keçiriblər.

Publika.az xəbər verir ki, tələbələr bu məqsədlə dekabrın 4-də bir araya gələrək “Qeyrətli tələbə; etiraz, etiraz” və “Tələbə ölər, zilləti qəbul etməz” şüarları səsləndiriblər.

Onlar, həmçinin, universitetdə verilən qidaların keyfiyyətinə etiraz edərək yeməklə dolu qabları universitetin həyətinə düzüblər. Etirazçılar universitetin məsul şəxslərini onların tələblərinə laqeyd yanaşmaqda günahlandırıblar. Onlar, əsasən, İran hökumətinin universitetdə tətbiq etdiyi bəzi siyasətlər, universitetin verdiyi xidmətlərin zəifliyi və bir çox xidmətlərin ödənişli olmasını protest edib.

Buna bənzər etirazlar Tehranın Əmir Kəbir Sənaye Universiteti və Əllamə Təbatəbayi, həmçinin, Kirmanşahın Razi Universitetində də təşkil edilib.

Zümrüd

Teqlər Tələbə Tehran Cənubi Azərbaycan Təbriz Təbrizin Səhənd Sənaye Universiteti Tehranın Əmir Kəbir Sənaye Universiteti Əllamə Təbatəbayi Kirmanşahın Razi Universiteti