Region

Qaşıqçı cinayətində SON XƏBƏR: Türkiyəyə rədd cavabı verildi

9 Dekabr 2018 22:42

Səudiyyə Ərəbistanı Camal Qaşıqçı cinayətində şübhəli bilinən iki nəfərin Türkiyəyə verilməsini rədd edib.

Publika.az AFR agentliyinə istinadən xəbər verir ki, bu haqda Səudiyyə Ərəbistanının xarici işlər naziri Adil Əl-Cubeyr deyib.

“Qaşıqçı cinayətində adı keçən 2 şübhəli Türkiyəyə ekstradisiya edilməyəcək. Vətəndaşlarımızı vermirik. Bizə qanuni şəkildə məlumat verməyən bir ölkənin həbs qərarı çıxarması çox maraqlıdır”, - o deyib.

Xatırladaq ki, dekabrın 5-də İstanbul Respublika Baş prokurorluğu Camal Qaşıqçı cinayəti ilə əlaqədar Əhməd əl-Assiri və Səud Əl-Kahtaninin həbsini tələb edib.

Adıçəkilən şəxslər səudiyyəli jurnalistin qətlini planlaşdıranlar arasında olmaqda şübhəli bilinirlər.

Qeyd edək ki, Camal Qaşıqçı oktyabrın 2-də Səudiyyə Ərəbistanının İstanbuldakı Baş konsulluğunda öldürülüb.

Ömər