Region

Türkiyə S-400-ləri başqa ölkəyə verəcək? - Çavuşoğludan SON DƏQİQƏ açıqlaması

12 Sentyabr 2019 16:54

“S-400 komplekslərinin tədarükü bitdikdən sonra istifadəsinə başlanılacaq”.

Publika.az xəbər verir ki, bunu Türkiyənin Xarici işlər naziri Mövlud Çavuşoğlu deyib.

Rusiyadan alınan və tədarük prosesi davam edən S-400 hava hücumundan müdafiə kompleksləri barədə danışan nazir bildirib ki, silahın istifadəsi ilə bağlı heç bir tərəddüd yoxdur: “Əlbəttə, istifadə edəcəyik. 2020-ci ilə qədər istifadəyə veriləcək. Biz bunları sandıqda saxlamaq üçün almadıq. Havadan müdafiəmizi gücləndirmək üçün aldıq.

Qeyd edək ki, ABŞ-ın sanksiya təhdidlərinə görə Türkiyənin S-400-ləri istifadə etməyəcəyi və ya başqa ölkəyə transfer edəcəyi iddia olunurdu.

Xatırladaq ki, S-400-lərin ilk tədarük prosesi iyul ayında başa çatıb. Növbəti və son tədarük mərhələsi 1 ay davam edəcək. Lakin onun vaxtı hələ açıqlanmayıb.

Zümrüd