Ərdoğan dünyaya mesaj verdi: Çılğın türkləri yaxşı tanıyacaqsınız!

Çılğın türkləri yaxşı tanıyacaqsınız!

Publika.az xəbər verir ki, bunu Türkiyə Prezidenti, Ədalət və İnkişaf Partiyasının (AKP) sədri Rəcəb Tayyib Ərdoğan partiyasının parlament fraksiyasının genişləndirilmiş toplantısında deyib.

Yunanıstanın Baş naziri Kiriakos Mitsotakisə sərt reaksiya verən Ərdoğan ona həddini bilməsini məsləhət görüb: “Mən açıqlama verirəm və “Mitsotakislə görüşə bilərəm” deyirəm, o meydan oxuyur. “Razılıq danışıqlarına başlasın” dedik, indi Afinada keçiriləcəkdi. Mitsotakis meydan oxudu. Bu çağırışdan sonra sizinlə necə bir araya gələcəyik? Həddinizi bilin. Həddinizi bilmirsinizsə, masaya təpik vurdunuz deməkdir. Belə getsə, masada otura bilmərik. Nəyə inanırsan? Güvəndiyiniz dağlara qar yağdı. Dəli türkləri yaxşı tanıyacaqsınız!”

Kipr böhranına dair həll yolları haqqında danışan Ərdoğan belə davam edib: “Kipr məsələsi Türkiyə və Kipr xalqının ortaq məsələsidir. Bütün cəhdlərə rəğmən, daimi və dayanıqlı həll yolu tapılmadı. Türkiyənin tezisinin yerli muxtariyyət şəklində təqdim olunduğu danışıqlar 1971-ci ilin sonuna qədər davam etdi. 15 iyul 1974-cü ildə Roma-Yunan çevrilişi ilə sona çatdı. Kiprli qardaşlarımızın təhlükəsizliyini təmin etmək üçün həyata keçirdiyimiz Barış əməliyyatı və Kipr Respublikası quruldu. 1960-cı illərdə Kipr Türk tərəfinə muxtariyyət tanımayan Rumlardır. 1970-ci illərdə iki icma bir federasiya qəbul etməkdən imtina edən yenə yunanlar idi. Məqsədləri Kiprin türk tərəfinin üzv olmadığı Avropa İttifaqı daxilində qazana biləcəyi haqları aşındıraraq adaya tək rəhbərlik etmək idi.

Bu gün Fuat (Fuat Oktay – vitse-prezident) müəllimlə birlikdə Şimali Kiprə gedirik və orada geniş bir işə başlayacağıq. Kipri sürətlə canlandıracağıq. Kipri ​​çox müasir bir dövlət olaraq dirçəldəcəyik. Kipr məsələsi indi həll mərkəzli yanaşma ilə həll edilməlidir. Kiprdə müzakirə edilə biləcək yeganə məsələ iki dövlətli həll yoludur”.

Zümrüd