Region

Türkiyədən Azərbaycana JEST: Bayraqlarımız birlikdə ucaldıldı - FOTO

11 Avqust 2021 20:36

Alanyada çimərlikdə 2 nəfərin Əfqanıstan bayrağını ucaltdığı anın görüntüləri sosial mediada qəzəbə səbəb olub.

Publika.az xəbər verir ki, bu barədə "Demirören Haber Ajansı" (DHA) məlumat yayıb.

Antalya Valiliyi sözügedən görüntülərlə bağlı açıqlama yayıb. Bilidirilib ki, həmin kadrlar 2018-ci ildə lentə alınıb. Ərazidə bir çox ölkənin bayrağı dalğalanır.

Video sosial mediada yayılandan sonra Alanya Ülkü Ocaklarının üzvləri dərhal hərəkətə keçiblər. Onlar bayraqların dalğalandığı çimərliyə gediblər. Qalmaqala səbəb olan bayrağı endirib, Azərbaycan və Türkiyə bayraqlarını ucaldıblar.

Xatırlaq ki, "Taliban" silahlılarının Əfqanıstanda daha böyük əraziləri ələ keçirməsindən sonra əfqanlar ölkəni tərk etməyə başlayıblar. Vurğulanır ki, həmin şəxslər irandan keçməklə Türkiyəyə doğru köç etməyə başlayıblar. Bu da Türkiyə hakimiyyəti və vətəndaşları tərəfindən birmənalı qarşılanmayıb.

Hüseyn