Region
Madriddə razılaşma: Türkiyə istədiyinə nail oldu
Türkiyə Prezidenti Rəcəb Tayyib Ərdoğan, Finlandiya prezidenti Sauli Niinistö, İsveç baş naziri Maqdelena Andersson və NATO-nun baş katibi Yens Stoltenberqin qatıldığı 4 tərəfli sammit başa çatıb.
Publika.az xəbər verir ki, bu barədə "TRT Haber" məlumat yayıb.
Bildirilib ki, Türkiyə istədiyini əldə etməklə ciddi qazanc əldə edib.
NATO-nun baş katibi Stoltenberqin ev sahibliyi etdiyi görüş mətbuata qapalı keçirilib.
İki mərhələdə keçirilən görüşdən sonra Türkiyə, İsveç və Finlandiya arasında Finlandiya və İsveçin NATO-ya üzvlük proseslərinə dair üçtərəfli memorandum imzalanıb.
Zirvədən türkiyənin əldə etdiyi konkret nailiyyətlər:
• PKK və onun törəmələri ilə mübarizədə Türkiyə ilə tam əməkdaşlıq.
• Terrorizmin bütün forma və təzahürləri ilə mübarizədə Türkiyə ilə həmrəylik nümayiş etdirmək.
• PYD/YPG və FETÖ-yə dəstək verməmək öhdəliyi.
• Müdafiə sənayesi sahəsində embarqo məhdudiyyətlərinin qarşısının alınması, əməkdaşlığın artırılması.
• Terrorla mübarizə və müdafiə sənayesi üzrə İsveç və Finlandiyanın milli qanunvericiliyinə və təcrübələrinə düzəlişlər etmək öhdəliyi.
• Terrorizm və mütəşəkkil cinayətkarlıqla mübarizədə kəşfiyyat məlumatlarının mübadiləsi üzrə strukturlaşdırılmış əməkdaşlıq mexanizminin yaradılması.
• Terrorçu cinayətkarların ekstradisiyası ilə bağlı konkret addımların atılması və ikitərəfli müqavilələrin bağlanması.
• PKK və onun qolu və cəbhə təşkilatlarının vəsait toplama və işə cəlb etmə fəaliyyətlərinin qadağan edilməsi və onların araşdırılması.
• Türkiyəyə qarşı terror təbliğatının qarşısının alınması.
• Finlandiya və İsveçin PESKO (Aİ Daimi Strukturlaşdırılmış Əməkdaşlıq Prosesi) daxil olmaqla Aİ təhlükəsizlik mexanizmlərində ən geniş iştirakının dəstəklənməsi.
• Bu addımların icrasına nəzarət etmək üçün Ədliyyə, Kəşfiyyat və Təhlükəsizlik qurumlarının iştirakı ilə Daimi Birgə Mexanizmin yaradılması.
Vurğulanıb ki, Türkiyə Prezident Rəcəb Tayyib Ərdoğanın perspektivi və qətiyyətli mövqeyi sayəsində terror təşkilatlarına qarşı mübarizədə mühüm nailiyyətlər əldə edib.
PKK/YPG/PYD ilə yanaşı “FETÖ terror təşkilatıdır” ifadəsi beynəlxalq müqavilədə açıq şəkildə vurğulanması Ərdoğanın liderliyi ilə apardığı mübarizədə beynəlxalq miqyasda çox mühüm addım olub.
İmza mərasimindən sonra NATO baş katibi Yens Stoltenberq alyansın sabah keçiriləcək sammitində İsveç və Finlandiyanın hərbi ittifaqa qəbulu ilə bağlı qərar veriləcəyini bəyan edib.
Hüseyn İbadlı
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK
-
MDB19 Aprel 21:50
95 yaşlı diplomat öldü
-
Nida Xəbər 19 Aprel 21:20
Sərhədin delimitasiyası başladı: İrəvan dərhal Tehrana hesabat verdi