Region

İran Rusiyadan 10 milyon ton buğda istədi, əvəzində...

27 İyul 2022 13:10

Tehran Rusiyadan buğda idxalının həcmini ildə 10 milyon tona çatdırmağa çalışır.

Publika.az xəbər verir ki, bu barədə “RİA Novosti” İran Xarici işlər nazirinin iqtisadi diplomatiya üzrə müavini Mehdi Səfərinin bəyanatına istinadən yazıb.

Səfərinin sözlərinə görə, əvvəllər İran və Rusiya liderləri razılaşıblar ki, Tehranın Moskvadan alacağı taxılın miqdarı “çox böyük olacaq”. “Hesab edirəm ki, İran Rusiyadan 10 milyon tona qədər buğda idxal edə biləcək”, - İran XİN müavini deyib.

O bildirib ki, taxıl idxalı müqabilində İran tərəfi Rusiyaya püstə, meyvə, tərəvəz və digər ərzaq məhsulları tədarükünü davam etdirəcək.

2021-ci ilin sonunda Rusiya Taxıl İttifaqının rəhbəri Arkadi Zloçevski bəyan edib ki, İran Rusiya taxılının alışına görə Misir və Türkiyəni geridə qoyub. 2021-ci ilin noyabr ayının sonuna olan məlumata görə, Tehran Moskvadan buğda və qarğıdalı da daxil olmaqla 5,66 milyon ton taxıl məhsulu alıb.

Akqabay