Rusiya Gürcüstanla sərhədə zirehli transportyor göndərdi: minlərlə insan... - FOTO/VİDEO

Rusiya Federal Təhlükəsizlik Xidməti Şimali Osetiyanın Gürcüstanla sərhədində yerləşən “Verxniy Lars” sərhəd-keçid məntəqəsinə zirehli transportyor göndərib.

Publika.az xəbər verir ki, bu barədə FTX-nin Şimali Osetiya üzrə sərhəd idarəsinə istinadən RBC məlumat yayıb.

“Zirehli transportyorlar oraya (Gürcüstana – red.) hərəkət edir, lakin keçid məntəqəsi qurmaq üçün getmir, kobud desək, güman ki, ehtiyatda olan hərbçilər keçid məntəqəsini yarıb heç bir sərhəd rəsmiləşdirməsini tamamlamadan ölkəni tərk etmək istəyərlər. Yalnız bu məqsədlə”, - deyə sərhəd idarəsindən bildirilib.

Qeyd edilib ki, keçid məntəqəsi adi rejimdə işləyir. “Hərbiyə yararlı yaşda olan kişi vətəndaşların ölkədən çıxışına heç bir məhdudiyyət qoyulmayıb”, - FTX əlavə edib.

Bundan əvvəl, sentyabrın 26-da bloqer Nikolay Levşits rusiyalı hərbçilərin zirehli transportyorla “Verxniy Lars”a gəldiyi barədə məlumat vermişdi. Levşits hadisə şahidlərinin sözlərinə istinad edərək bildirib ki, “sərhəd keçid məntəqəsi yaxınlığında nəzarət-buraxılış məntəqəsi qurulur”.

“Dojd” teleqram kanalı zirehli transportyorda maşınların cərgəsindən keçərək hərbi geyimli şəxslərin foto və videolarını dərc edib.

BBC rus xidməti yazır ki, sərhəddə növbə çəkən insanların sözlərinə görə, hazırda Şimali Osetiyanın özünün girişində avtomobillərin buraxılmadığı keçid məntəqələri fəaliyyət göstərir.

Rusiyanın qonşu dövlətlərlə, o cümlədən Gürcüstanla sərhədində səfərbərlik başlayandan sonra kilometrlərlə növbə yaranıb. Nikolay Levşitsin sözlərinə görə, sentyabrın 26-da səhər növbənin uzunluğu 20 kilometr olub və sərhədi keçmək 3-4 gün çəkir. O iddia edir ki, sentyabrın 25-də hərbi komissarlıqların qərarı əsasında bəzi ruslara ölkədən çıxmaq icazəsi verilməyib. Onun sözlərinə görə, bunlar təcrid olunmuş hallardır. Rus kişilərinin Rusiya-Qazaxıstan sərhədindən keçməsinə icazə verilməməsi faktını sentyabrın 25-də Aqora rəhbəri Pavel Çikov bildirib.

Akqabay