Region

Tokayev: “Qazaxıstanda oliqarx kapitalizmi erası başa çatır”

5 Oktyabr 2022 17:25

“Qazaxıstanda oliqarx kapitalizmi erası başa çatır, ölkə vətəndaşları qarşısında sosial məsuliyyət dövrü başlayır”.

Publika.az xəbər verir ki, bunu Qazaxıstan prezidenti Kasım-Jomart Tokayev Karaqanda vilayətinin sakinləri ilə görüşdə bildirib.

Dövlət başçısı Qazaxıstandan kapitalın xaricə qanunsuz çıxarılmasına imkan verməyəcəklərini və şirkətlərin müxtəlif sosial proqramlarının icrasına nəzarət edəcəklərini vurğulayıb.

Onun sözlərinə görə, vergi ödənişləri də xüsusi nəzarətdədir:

"Yenilənmiş konstitusiya ilə ölkədə yeni siyasi era başlayıb. Qazaxıstanda oliqarx kapitalizm dövrü başa çatır. Dövlətin vətəndaşları qarşısında sosial məsuliyyət dövrü başlayır".

Tural Turan