Ermənistan Baş Prokurorluğu: "Krım körpüsünün partladılması barədə məlumatlar..."

Ermənistan Baş Prokurorluğu Rusiya Federal Təhlükəsizlik Xidmətinin Krım körpüsündə partlayışla bağlı yaydığı məlumatı öyrənir.

Publika.az xəbər verir ki, bu barədə Ermənistan Baş Prokurorluğu məlumat yayıb.

Qeyd olunur ki, Rusiya kəşfiyyat xidmətinin məlumatları cinayət işinin başlanması məsələsini həll etmək göstərişi ilə Ermənistan Milli Təhlükəsizlik Şurasına ötürülüb.

“Məlumatda cinayəti aşkar sübut edən məlumatların olduğunu nəzərə alaraq, Baş Prokurorluq onları cinayət işinin başlanması məsələsinin həlli üçün göstərişlə birlikdə Ermənistan Respublikası Milli Təhlükəsizlik Xidmətinin İstintaq İdarəsinə göndərib”, - məlumatda deyilir.

Prokurorluğun mətbuat xidməti qeyd edib ki, dövlət qurumu məlumatları ardıcıl və tam şəkildə açıqlayacaq.

Qeyd edək ki, Rusiya Federal Təhlükəsizlik Xidmətinin məlumatına görə, körpünün partladılmasına hazırlıqda 12 nəfər iştirak edib, onlardan 8-i saxlanılıb. Onların arasında beş Rusiya, üç Ukrayna və Ermənistan vətəndaşı da var.

Səxavət

Teqlər Ermənistan Ukrayna Krım