Zurabişvilidən etiraf: Ukrayna ilə həmrəy deyilik, amma...

Gürcüstan prezidenti Salome Zurabişvili bildirib ki, ölkə rəhbərliyi Ukraynaya qarşı həmrəylik nümayiş etdirməyib.

Publika.az xəbər verir ki, siyasətçi bu barədə martın 31-də parlamentdə çıxışı zamanı danışıb.

“Ukrayna ilə bağlı biz nə diplomatiya, nə müdriklik, nə də tarixi həmrəylik nümayiş etdirmişik”, - prezident deyib.

Gürcüstan lideri qeyd edib ki, Tbilisi BMT-nin qətnamələrinə qoşulur, lakin “mənəvi, siyasi həmrəyliyin bütün digər təzahürlərindən” yayınır. Onun fikrincə, Gürcüstanın anti-Rusiya sanksiyalarını dəstəkləməyəcəyi barədə bəyanat yersizdir.

“Son iki il ərzində biz Rusiyanı təxribata çəkməmək üçün nəzərəçarpacaq dərəcədə ehtiyatlı davrandıq, bu, başa düşülə bilər. Lakin bəlli deyil ki, niyə Qərb dostlarımıza və tərəfdaşlarımıza eyni nəzakət və qorxu ilə yanaşmırıq. Bu siyasət nəticəsində Tbilisi ənənəvi olaraq Gürcüstanı dəstəkləyən Avropa dövlətləri ilə münasibətləri korladı. Avropa standartlarına yaxınlaşma Gürcüstana həyatın bir sıra sahələrində uğur gətirib”, - Zurabişvili qeyd edib.

Akqabay