İstanbulda bina çökdü: 1 ölü, 8 yaralı - VİDEO/YENİLƏNDİ

"8 vətəndaşımız dağıntılar altından çıxarılıb və ilkin tibbi yardımdan sonra xəstəxanaya yerləşdirilib. 1 vətəndaşın cansız meyiti tapılıb".

Publika.az xəbər verir ki, bu barədə Türkiyənin Təbii Fəlakət və Fövqəladə Hallar Agentliyi (AFAD) məlumat yayıb.

AFAD hazırda dağıntılar altında heç kimin qalmadığının ehtimal edildiyinin, buna baxmayaraq, axtarış və xilasetmə qruplarının işini davam etdirdiyini açıqlayıb.

"Həyatını itirən vətəndaşımıza Allahdan rəhmət, ailəsinə və yaxınlarına başsağlığı veririk. Xəsarət alan vətəndaşlarımıza tezliklə şəfa diləyirik", - deyə qeyd olunub.

***

Türkiyənin İstanbul şəhərində çökən üçmərtəbəli binanın dağıntıları altından bir nəfərin meyiti çıxarılıb.

Publika.az xəbər verir ki, bu barədə məlumatı yanğınsöndürmə xidmətinin rəhbəri Remzi Albayrak açıqlayıb.

Dağıntılar altında qalanların axtarışları davam etdirilir.

Xatırladaq ki, daha öncə İstanbul valisi Davud Gül dağıntılar altından 7 nəfərin yaralı halda çıxarıldığını açıqlamışdı.

***

Türkiyənin İstanbul şəhərinin Küçükçekmece Kartaltepe səmtində üçmərtəbəli yaşayış binası çöküb.

Publika.az xəbər verir ki, yerli vaxtla 08.45 radələrində baş verən hadisənin səbəbi məlum deyil.

Məlumata görə, dağıntılar altında qalanlar var. Əraziyə çoxlu sayda yanğınsöndürən və tibbi yardım briqadaları göndərilib.