Fidanın görüşündən öncə Ankaradan UKRAYNA AÇIQLAMASI

Türkiyə Ukrayna münaqişəsinin diplomatik yolla həllinə dəstəyini davam etdirir.

Publika.az xəbər verir ki, bu barədə "RİA Novosti"yə Ankaradakı mənbə Türkiyənin xarici işlər naziri Hakan Fidanla belçikalı həmkarı Bernard Kventin arasında keçirilən görüşdən əvvəl məlumat verib.

Agentliyin həmsöhbətinin sözlərinə görə, belçikalı nazirin səfəri yanvarın 2-nə planlaşdırılıb. O, əlavə edib ki, qarşıdan gələn danışıqlar zamanı Fidan Türkiyə ilə Avropa İttifaqı arasında konstruktiv əməkdaşlığın vacibliyinə , həmçinin Ukraynadakı münaqişənin diplomatik kanallar vasitəsilə ədalətli və davamlı həllinə olan ehtiyaca diqqət yetirəcək.

Mənbə həmçinin sülhə nail olmaq üçün danışıqlar prosesinin vacibliyini vurğulayıb.

Bundan əlavə, o, Suriyada sabitliyi təmin etmək üçün tarixi fürsəti qeyd edib ki, bunun bütün region və Avropa üçün təsirləri var.

Bundan əvvəl Ankaradakı mənbə bildirib ki, Türkiyə hələ də İstanbulda Ukrayna üzrə danışıqların təşkili ilə bağlı münaqişə tərəflərindən heç bir müraciət almayıb .

Hüseyn İbadlı