ABŞ Ermənistana bu qədər sərmayə qoyub - Departament açıqladı

Yanvarın 14-də ABŞ-ın dövlət katibi Antoni Blinken və Ermənistanın xarici işlər naziri Ararat Mirzoyan ABŞ-Ermənistan Strateji Tərəfdaşlıq Komissiyasının işinə start verib və bu, ikitərəfli münasibətlərdə növbəti mərhələyə çevrilib.

Publika.az xəbər verir ki, bu barədə ABŞ Dövlət Departamentinin Ermənistan-Amerika münasibətləri ilə bağlı bəyanatında deyilir.

Qeyd olunur ki, güclü tərəfdaşlar sabit regional tərəfdaşlara çevrilirlər və ikitərəfli əməkdaşlıq Cənubi Qafqazın daha davamlı, dinc, təhlükəsiz və müstəqil olması üçün ortaq öhdəliyi əks etdirir.

“Bu günə qədər ABŞ demokratik islahatları dəstəkləmək üçün Ermənistana təxminən 3,3 milyard dollar sərmayə qoyub. O cümlədən 2021-ci ildən başlayaraq 340 milyon ABŞ dolları. Bizim tərəfdaşlığımız ortaq demokratik dəyərlərimizə əsaslanır və biz birlikdə demokratiya, ədalət və inklüzivliyi və insanlar arasında mübadiləni gücləndirmək üçün iqtisadi, təhlükəsizlik və müdafiə sahəsində əməkdaşlığımızı genişləndirməyə çalışırıq”, - bəyanatda deyilir.

Tural