Türkiyədə hökuməti devirmək istəyirmişlər: İsmayıl Saymaz da saxlanıldı

İstanbul Respublika Prokurorluğu tərəfindən aparılan araşdırmalar çərçivəsində jurnalist İsmayıl Saymaz həbs edilib.

Publika.az xəbər verir ki, bu barədə prokurorluq məlumat yayıb.

Bildirilir ki, İsmayıl Saymaz “Gəzi Parkı” işi üzrə ağırlaşdırılmış ömürlük həbs cəzasına məhkum edilmiş Osman Kavalanın internet saytının hazırlanmasında iştirak edən şəxslərlə söhbətlərinin məzmununa əsasən, onun etirazı yaymaq üçün televiziya kanalı yaratması müəyyən edilib.

İstintaq çərçivəsində Saymazın hadisələr zamanı “Gəzi Parkı” müttəhimləri Mehmet Osman Kavala, Şerafettin Can Atalay, Çiğdem Mater Utku və Ayşe Mücella Yapıcı ilə yaxın təmasda olduğu, hadisələrlə bağlı sosial şəbəkələrdə çoxlu paylaşımlar etdiyi, hadisələrdə fəal rol aldığı və sosial mediada vətəndaşları həqiqətə zidd olmayan məlumatlarla yazışmağa sövq etməyə çalışdığı müəyyən edilib. İstintaq çərçivəsində Saymaz "Türkiyə Cümhuriyyəti hökumətini devirməyə cəhdə köməklik etmək" ittihamı ilə tutularaq həbs edilib.

Tural