Ermənistan müsəlmanların puluna göz dikib: Bu ərəb ölkələri üçün...

Ermənistan hökuməti Bəhreyn, Oman və Səudiyyə Ərəbistanı vətəndaşları, həmçinin ABŞ, Aİ ölkələri, BƏƏ, Qətər və Küveyt də daxil olmaqla bir sıra ölkələrdə yaşayış statusu olan şəxslər üçün giriş vizalarını ləğv edib.

Publika.az xəbər verir ki, bununla bağlı Ermənistan hökuməti qərar verib.

Qərara əsasən, Ermənistan ABŞ-da, eləcə də Aİ ölkələrində (üstəlik Şengen ölkələri) və bəzi Körfəz ölkələrində (BƏƏ, Qətər, Küveyt) yaşamaq icazəsi olan şəxslər üçün də vizasız rejim açacaq.

Qeyd edilir ki, bu ölkələrin yüksək gəlir səviyyəsinə malik inkişaf etmiş iqtisadiyyatları və əhalisi var, onların ərazisində yaşayış statusu olan əcnəbilər isə iqtisadi cəhətdən aktivdirlər, biznes maraqlarına və maliyyə imkanlarına malikdirlər və turistlər kimi maraq doğura bilərlər. Ermənilər hesab edir ki, bu ölkələrlə viza rejiminin liberallaşdırılması investisiya cəlbediciliyinin artmasına və turist axınının artmasına kömək edəcək.

Bununla bağlı İqtisadiyyat naziri Gevork Papoyan qeyd edib ki, qərar turizm və xarici investisiya axını üçün vacibdir, çünki bir çox körfəz ölkələrində yerli vətəndaşlardan daha çox əcnəbi rezident var.

Adəm