Makron Peşekiana görün nə təklif etdi

Paris Hörmüz boğazında təhlükəsiz gəmiçiliyin təmin edilməsinə kömək göstərməyə hazırdır.

Publika.az xəbər verir ki, bu barədə Fransa Prezidenti Emmanuel Makron iranlı həmkarı Məsud Pezeşkian ilə telefon danışığı zamanı bildirib. Fransa lideri söhbətin təfərrüatlarını özünün "X" sosial şəbəkəsindəki səhifəsində paylaşıb.

Makron Pezeşkianı Pakistanın paytaxtı İslamabadda başlayan müzakirələrin yaratdığı imkandan istifadə etməyə çağırıb. O qeyd edib ki, bu, davamlı deeskalasiyaya yol açmaq və bütün region ölkələri üçün etibarlı təhlükəsizlik zəmanətlərini təmin edəcək razılaşmaya nail olmaq üçün bir fürsətdir.

"Mən İranın Hörmüz boğazında gəmiçiliyin azadlığını və təhlükəsizliyini tezliklə bərpa etməsinin zəruriliyini vurğuladım və Fransanın bu prosesə kömək etməyə hazır olduğunu bildirdim", — deyə Fransa prezidenti dəqiqləşdirib.

Bundan əlavə, Fransa lideri, Livan da daxil olmaqla, atəşkəs rejiminə tam əməl olunmasının vacibliyini diqqətə çatdırıb.

Hüseyn İbadlı