İran bu məsələdə ABŞ-a güzəştə getməkdən İMTİNA ETDİ

ABŞ İslamabaddakı danışıqlar zamanı zənginləşdirilmiş uran ehtiyatlarının İran ərazisindən çıxarılmasında israr edib.

Publika.az xəbər verir ki, bu barədə İranın "Tasnim" xəbər agentliyi məlumat yayıb.

Amerikalılar danışıqlar masası arxasında güzəştlərə, o cümlədən Hörmüz boğazı və nüvə materiallarının ölkədən çıxarılması məsələsində nail olmaq istəyirdilər, lakin İran nümayəndə heyəti bunun qarşısını aldı", - məlumatda deyilir:

Qeyd edilib ki, İran nümayəndə heyəti amerikalı rəsmiləri ümumi razılaşmalara nail olmağa sövq etməyə çalışsa da, həddindən artıq yüksək tələblər amerikalıların "realizm və rasionallıq nümayiş etdirməsinə" mane olub.

Pakistanın vasitəçiliyi ilə Amerika və İran qrupları arasında keçirilən danışıqlar başa çatıb; görüşlər 21 saat davam edib. Vitse-prezident Cey Di Vensin bəyan etdiyi kimi, Vaşinqton Tehrana "yekun və ən yaxşı təklifini" təqdim edib, lakin İran tərəfi bu şərtləri qəbul etməkdən imtina edib. İran mediası tərəflər arasında "ciddi fikir ayrılıqları" barədə yazıb.

Hüseyn İbadlı