Trampın iştirak etdiyi tədbirdə atəş açıldı - YENİLƏNDİ

ABŞ Prezidenti Donald Trampın "Washington Hilton" otelindəki tədbirdən təxliyəsi zamanı Məxfi Xidmət əməkdaşları atəş açıldığı barədə xəbərdarlıq ediblər.

Publika.az xəbər verir ki, bu barədə Ağ Evin mətbuat xidməti məlumat yayıb.

"Bir neçə güclü şaqqıltı səsi eşidildi və Məxfi Xidmət silahlarını çıxararaq jurnalist qrupunu sürətlə otaqdan çıxartdı. Məxfi Xidmət əməkdaşları "Atəş açılır!" deyə qışqıraraq bizi geri itələdilər", jurnalistlər bildiriblər.

xxx

05:15

Ağ Evin Müxbirlər Assosiasiyasının şam yeməyi zamanı zalda eşidilən qəribə səslərdən sonra ABŞ Prezidenti Donald Tramp təcili olaraq tədbirdən uzaqlaşdırılıb.

Publika.az-ın tədbirin yayımına istinadla verdiyi məlumata görə, bir neçə kəskin şaqqıltı səsindən sonra görüş yarımçıq kəsilib və iştirakçılardan zalı tərk etmək xahiş olunub.

Hadisə anında məxfi xidmət agentləri silahlı şəkildə Trampın olduğu səhnəyə çıxaraq prezidenti təxliyə ediblər. Hazırda Trampın mətbuat xidməti hadisə ilə bağlı rəsmi şərh verməyib.

Xatırladaq ki, martın 4-də Pentaqon rəhbəri Pit Heqset Trampa qarşı sui-qəsd cəhdinin təşkilatçısı olduğu iddia edilən iranlı komandirin zərərsizləşdirildiyini açıqlamışdı. Ağ Evin mətbuat katibi Kerolayn Levitt də sui-qəsd planlaşdıran şəxsin məh edildiyini təsdiqləmişdi.

Hüseyn İbadlı